Свет
ОБСЕ го осуди апсењето на новинарите во Russia Today во САД
Претставникот на Организацијата за безбедност и соработка во Европа (ОБСЕ) за слобода на медиумите Дуња Мијатовиќ го осуди притворањето на екипата на телевизискиот канал Русија Тудеј (Russia Today) во САД, се наведува во соопштението објавено во средата.Новинарите беа приведени од страна на американската полиција во саботата за време на снимањето на протестот пред воената база Форт Бенинг во близина на градот Колумбус, во државата Џорџија. Тие беа обвинети за непочитување на законските барања на надлежните органи и учество во недозволени масовни протести. По 32 часа телевизиската екипа беше ослободена со кауција. Исто така, секој од новинарите платил по 290 долaри глоба.Во своето писмо до државниот секретар на САД Хилари Клинтон, претставникот на ОБСЕ, Дуња Мијатовиќ, изразува разочараност од дејството на локалната полиција.„Предизвикува вознемиреност и срам фактот што локалната полиција може да приведе и да казни претставници на медиумите кои ги извршуваат своите должности следејќи јавни настани. Неселективното приведување на новинарите и подигнувањето обвиненија против нив излегува надвор од потребата за одржување на редот за време на масовни настани “, се вели во писмото на Мијатовиќ.Инаку секоја година, на капијата од воената база Форт Бенинг каде што се наоѓа Институтот на западната хемисфера за соработка во областа на безбедноста (WHINSEC), се собираат илјадници активисти кои бараат затворање на Институтот, со образложение дека во него се обучуваат полицајци и војници од Латинска Америка, од кои многумина се обвинети за злосторства против цивили во нивните земји, како и убиства на странски државјани./крај/РН/СН
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.