Европа
‘Свобода' негира дека го урнала споменикот на Ленин, МВР ги демантира бројките за масовноста
Украинската националистичка партија Свобода не ја презема одговорноста за уривањето на споменикот на втемелувачот на поранешниот Советски сојуз, Владимир Илич Ленин во Киев, додека тамошното министерство за внатрешни работи појасни дека не се точни тврдењата на проевропската опозиција дека на неделните протести во главниот град се собрале најмалку половина милион луѓе.
Во неделата група маскирани лица со чекани, метални прачки и јажиња го соборија споменикот на Ленин на Бесарабискиот плоштад во Киев, по што портпаролот на полицијата изјави дека тие носеле ознаки на националистичката парија Свобода.
„Таму имаше стотици луѓе, кои дојдоа на повик на своите срца (…), тие таму не беа како членови на која и да е партија или организација, тие таму беа како Украинци“, изјавил за РИА Новости заменикот шеф на пратеничката група на Свобода, Андреј Мохник, одговарајќи на прашањето дали активисти на неговата партија учествувале во уривањето на споменикот, за што имаше сличен обид минатиот викенд, но тогаш полицијата ја опколи статуата и не дозволи приод до него.
Според извештаите на агенциите кои се повикуваат на своите репортери и изјави од очевидци, демонстрантите ја врзале главата на споменикот со челичен кабел а другиот негов крај го прицврстиле за дрво и го повлекле споменикот од постаментот. При падот на асфалтот, од скулптурата на комунистичкиот лидер отпаднале главата и едната рака, а потоа демонстрантите со чекани ги уништувале остатоците од споменикот.
На централниот киевски Плоштад на независноста на повик на опозицијата започна протесната акција „народно собрание“ со кое се бара оставка од претседателот Виктор Јанукович и владата на премиерот Микола Азаров поради одлуката да се суспендира потпишувањето на спогодбата за придружување со Европската унија, што претседателот и премиерот го објаснија со тешката економска состојба на Украина, а опозицијата го смета за свртување кон Русија.
Покрај оставката на владата, опозициските политичари во неделата го истакна и барањето за ослободување приведените од минатонеделните протести, и политичките затвореници, во прв ред на Тимошенко којашто издржува седумгодишна затворска казна за злоупотреба на овластувањата и нанесување штета на државата, поради потпишувањето на договорот за увоз на руски гас по повисоки цени. Се бара, исто така, и апсење на министерот за внатрешни работи Виталиј Захаричено, кого опозицијата го смета за одговорен за акцијата на припадниците на специјалната интервентна единица „Беркут“ на Плоштадот на независноста ноќта кон 30-ти ноември, кога со примена на сила беше растурен протестот на околу илјада демонстранти кои протестираа против одлуката да се суспендира потпишувањето на спогодбата за придружување.
Дел од демонстрантите во неделата го блокираа центарот на Кеив во кој се наоѓаат државните институции, зградата на претседателската администрација како и резиденцијата на претседателот Јанукович.
Според челниците на опозициските партии, само претпладнето на протестите учествувале 200 илјади луѓе, а најавија дека во Киев се собрале најмалку половина милон луѓе коишто во престолнината допатувале од западниот дел од земјата, каде што мнозинство имаат проевропски ориентираните опозиционери, но агенциите сепак ја пренесоа бројката од 350 илјади демонстранти. Украинското министерство за внатрешни работи освен првичната проценка од претпладнето од 20 илјади демонстранти, до вечерта не излегуваше со процена за бројот на учесниците во антивладините протести кога соопшти дека на неделниот протест во престолнината учествувале до 100 илјади луѓе.
Министерството за внатрешни работи преку јавните електронски катастарски планови на Киев ја пресмета приближната бројка на луѓето кои физички можат да се сместат на целата површина од Плоштадот на независноста и околните улици и шеталишта.
„Имајќи предвид дека на еден квадратен метар во зимскиот период (поради употреба на зимска облека) може да се сместат само две лица, на споменатата површина на којашто денеска се одржуваше општествено-политички настан физички можеа да присуствуваат не повеќе од 100 илјади лица“, се вели во соопштението што во неделата навечер е објавено на интернет страницата на украинското министерство за внатрешни работи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.