Македонија
Унгарија ќе ја поддржи препораката на ЕК за почнување преговори на ЕУ со Македонија
Ова го изјави претседателот на унгарскиот парламент Бела Катона на средбата со претседателот на македонското Собрание Трајко Вељановски
Претседателот на Собранието на Република Македонија, господин Трајко Вељаноски во Будимпешта попладнево оствари работна средба со претседателот на Унгарскиот парламент, Бела Катона.Собранискиот претседателот Трајко Вељаноски како копреседавач, учествува на Конференција на претседатели на парламенти посветена на евроатланските интеграции на државите од регинот Западен БалканНа средбата Вељаноски осврнувајќи се на билатералните односи истакна дека тие се многу добри, а во тоа, свој голем придонес даваат и двата парламенти. „Меѓу двата парламенти имаме потпишано протокол за соработка кој се реализира преку соработка на сите нивоа, од редовни средби на парламентарните тела и групите за пријателство до средбите на претседатели.“, изјави Вељановски.Изразувајќи благодарност за поддршката што Унгарија и’ ја дава на Република Македонија во остварувањето на определбата за членство во ЕУ и НАТО, Трајко Вељаноски посебно ја истакна принципелната политика на Унгарија до проширувањето на ЕУ со државите од регионот.„Република Македонија многу сериозно во изминатиов период работеше на остварувањето на своите одредници кои ги исполнивме. Затоа со право по препораката за укинување на визниот режим сега очекуваме во Извештајот на Европската комисија да добиеме и препорака за датум за отпочнување на преговорите“, истакна претседателот на македонското Собранието.Претседателот на Унгарскиот парламент, Бела Катона заблагодарувајќи се за учеството на Конференцијата, истакна дека неговата држава и натаму ќе ја поддржува Република Македонија на патот кон полноправно членство во ЕУ и НАТО и ќе продолжи со својата политика за интеграција на регионот. „Постигнатиот напредок на Република Македонија се гледа и во препораката за укинување на визниот режим. Знам и за постигнатите резултати кои ги имате направено во изминатиов период. Затоа Унгарија во целост ќе ја поддржи препораката за добивање на датум за отпочнување на преговорите.“, нагласи Катона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.