Европа
Терористите кои наводно го урнале рускиот авион имале британски акцент
Исламистичките терористи чии пресретнати разговори ги навеле британските разузнавачи да претпостава дела терористички напад е причина за подот на рускиот патнички авион во Египет на 31-в октомври, зборувале со британски акцент, објави ноќта кон неделата интернет изданието на весникот The Daily Telegraph.
„Во моментов се појавуваат извештаи дека џихадистите, чиишто разговори ги снимило британското разузнавање во врска со несреќата, односно дел од разговорите кои ги навеле во Даунинг стрит (седиштето на британскиот премиер- з.р,) да заклучи дека станува збор за терористички напад, зборувале со британски акцент“, ги цитира весникот своите извори.„Во моментов не сме во можност да спроведеме независна проверка на овие извештаи, и премногу е рано да заклучиме дека терористите биле Британци, но доколку тоа е вистина, овој податок од извештаите го прави уште погорлив проблемот со милитантите од Велика Британија кои заминуваат во редовите на Исламската држава“, се истакнува во написот на The Daily Telegraph.Претходно британската влада најави дека извештаите од различни извори укажуваат на тоа дека причината за падот на рускиот авион со 224 патници и членови на екипажот минатата сабота на Синајскиот полуостров била подметната бомба. Подоцна, британските власти изјавија дека многу е веројатна дека зад евентуалниот чин стои екстремната сунитска организација Исламска држава. Засега официјално руските и египетските власти се воздружуваат од верзија за терористички напад, порачувајќи дека засега нема податоци од истрагата кои ќе ја потврдат таа теза, и бараат да не се избрзува со заклучоците до целосното прегледување на доказите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во своето креветче и веднаш повикале помош, но веќе било доцна.
Медицинскиот персоналнал направил сѐ за да го реанимира бебето, дури го пренеле и во најблиската болница „Форнароли“ во Магента, но не можеле ништо да направат за да го спасат детето.
Момчето починало во истата болница во која било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи, Аналена Бербок, изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер-нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер-напади врз СДП и германски компании од секторите на одбраната, авијацијата и информатичката технологија.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.