Полицијата се уште трага по останатите разбојници кои вчера попладне околу 18 часот ограбија и ранија златар во центарот на Тетово, па започнаа престрелка со полицијата, при што еден од разбојниците беше застрелан, а еден полицаец беше ранет.

Полицијата се уште трага по останатите разбојници кои вчера попладне околу 18 часот ограбија и ранија златар во центарот на Тетово, па започнаа престрелка со полицијата, при што еден од разбојниците беше застрелан, а еден полицаец беше ранет.

Според информациите на СВР Тетово, ранетиот разбојник бил дваесет и петгодишниот Ибраим Љ. од Скопје. Неговото тело е предадено на судска медицина.

И денеска продолжува увидот, на местото на инцидентот се наоѓа екипа на СВР Тетово, истражен судија и јавен обвинител.

Вчера попладне седум или осум непознати вооружени разбојници со автоматско оружје влегоа во златарницата „Исак 1“, украдоа поголема количина на златен накит и го ранија сопственикот на златарницата, триесет и деветгодишниот  И.Ф. од Камењане.

Со две прострелни рани во нозете сопственикот бил префрлен на скопските клиники.

Со двете возила со кои што дошле во златарницата, „Опел астра„ и „Опел омега“, без регистерски таблици заминале кон регионалниот пат Тетово – Јажинце.

Во близина на Теарце биле забележани од полициска патрола, но не застанале, со голема брзина продолжиле кон Јегуновце. При влезот во селото кај железничката пруга биле пресретнати од уште една полициска патрола.

Таму започнала престрелката со полицајците кои се наоѓале на влезот од селото Јегуновце, но и со полициската патрола која ги следела од село Теарце.

Во престрелката еден од разбојниците беше застрелан, по што им подлегна на повредите, а еден полицаец беше полесно ранет.

Другите крадци ги оставиле возилата и пешки се разбегале кон селото Нераште.

Во двете возила кои биле оставени со отворени врати и отворени багажници пронајдено било оружје, златен накит и други предмети.

Златен накит и оружје биле пронајдени и покрај безживотното тело на разбојникот. Пронајдените предмети се предадени на вештачење. Се уште се утврдува дали пронајдениот накит е целокупниот накит кој бил украден од златарницата  или разбојниците дел од накитот успеале да земат со себе.

Ранетиот полицаец се наоѓа вон животна опасност./крај/фф