Свет
Војска на САД:Книгата за убиството на Бин Ладен содржи невистини

Војската на САД денеска ја демантираше „вистинската“ верзија на акцијата на нејзините специјалци во која беше убиен Осама Бин Ладен, а која е опишана во книгата „SEAL Target Geronimo“, на поранешниот специјалец Чак Ферер.
Војската на САД денеска ја демантираше „вистинската“ верзија на акцијата на нејзините специјалци во која беше убиен Осама Бин Ладен, а која е опишана во книгата „SEAL Target Geronimo“, на поранешниот специјалец Чак Ферер.„Тоа едноставно не е вистина. Не се случи така. Тоа се фабрикации“, изјави портпаролот на командата на специјалните операции на американската војска Тим Њу.Преполна со теории на заговор и напади на администрацијата на претседателот на САД Барак Обама, книгата на Ферер изнесува алтернативно видување на нападот на специјалната единица на американските маринци и тврди дека специјалците го убиле лидерот на Ал Каеда само 90 секунди откако на 2 мај упаднале во неговото засолниште, кое се наоѓало длабоко на територијата на Пакистан.Книгата „SEAL Target Geronimo“ (Специјалците го напаѓаат Џеронимо“ е меѓу 20 најпродавани на интернет книжарниците Амазон, а нејзиниот автор ја промовираше и на телевизиските гостувања на Фокс њуз, Си-Ен-Ен и на други места.Ферер тврди дека Белата куќа објавила фиктивен и штетен опис на акцијата која укажува дека специјалците биле неспособни.Според неговите зборови, брзото признание на Обама за нападот беше кукавички политички акт кој многу разузнавачки податоци собрани за време на акцијата ги направи неупотребливи.„Вистината е на моја страна. Разговарав со момците кои беа на лице место, како и со оние што беа во другото летало., односно со припадниците на втората специјална единица која би требало да ја спасува првата во случај таа да биде нападната“, рече Ферер во интервју за Асошиејтед прес.Агенцијата наведува дека Ферер имал редица грешки при наведувањето на податоците, кои се јавно достапни.Ферер осум години бил активен специјалец, од што направил кариера долга две децении. По пензионирањето кон крајот на 80-сетите години на минатиот век, стана косценарист на филмот „Нејви силс“, со Чарли Шин во главната улога, а напиша и две книги за специјалните единици на американските маринци. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Тројца загинати и седум лица во тешка состојба по превртување на автобус кај Сремска Митровица

Состојбата на повредените во тешката сообраќајна несреќа што се случи кај Сремска Митровица, во која животот го загубија три лица, и понатаму е сериозна, изјави денеска директорот на Општата болница во Сремска Митровица, д-р Војислав Мирниќ.
„Хоспитализирани се 39 пациенти. Од нив, седум се со потешки повреди и се наоѓаат на одделенијата за интензивна нега, додека 15 пациенти се подготвени за отпуст,“ рече Мирниќ.
Тој прецизираше дека 13 пациенти од Одделението за општа хирургија и двајца од Одделението за ортопедија се во стабилна состојба и наскоро ќе бидат пуштени дома.
„Се врши дополнителна дијагностика за сите пациенти, а во наредните 48 часа очекуваме уште дел од нив да бидат подготвени за отпуст. Посетите во болницата се дозволени од 14 до 16 часот,“ додаде Мирниќ.
Во несреќата, која се случила на патот меѓу Сремска Митровица и селото Јарак, загинале три лица – две на самото место и едно во болница, од последици на тешките повреди.
Вкупно 61 патник бил прегледан во митровачката болница, а 39 лица биле задржани на лекување. Осуммина се на интензивна нега, дваесетмина на општа хирургија, а единаесетмина на ортопедија.
Еден пациент е префрлен во Ургентниот центар во Нови Сад, а друг во Белград на понатамошно лекување.
Автобусот на превозникот „Сирмиум бус“, кој превезувал работници, под засега непознати околности излетал од патот и се превртел. Возачот на автобусот, Д. К. (1955), е уапсен поради сомнение дека ја предизвикал несреќата во која загинаа три лица. Нему му е одредено задржување до 48 часа, по што ќе биде изведен пред надлежното обвинителство со кривична пријава.
Свет
Хамас објави дека ќе го предаде телото на еден од своите заложници

Милитантната група Хамас вчера објави дека ќе го предаде телото на еден од своите заложници, без да го открие неговиот идентитет.
Според соопштението, Црвениот крст ќе го преземе телото од Хамас и ќе го предаде на припадниците на израелските одбранбени сили во Газа, објавува „Тајмс оф Израел“.
После тоа, телото ќе биде испратено во израелскиот институт за судска медицина „Абу Кабир“ во Тел Авив за идентификација.
Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.