Свет
Во Осло почна судење за планиран напад врз дански весник
Тројца норвешки државјани се обвинети дека со помош на Ал Каеда планирале бомбашки напад врз данскиот дневен весник Jyllands-Posten поради објавувањето на контроверзните карикатури на пророкот Мухамед во 2005 година, во вторникот се изјасниле пред судот дека не се виновни.
Тројца норвешки државјани се обвинети дека со помош на Ал Каеда планирале бомбашки напад врз данскиот дневен весник Jyllands-Posten поради објавувањето на контроверзните карикатури на пророкот Мухамед во 2005 година, во вторникот се изјасниле пред судот дека не се виновни.Микаел Давуд кој има ујгурско потекло. Шван Саеед Бујак Курд од Ирак и Узбекистанецот Давид Јакобсен го отфрлиле сите точки од обвинението, пренесува Reuters. Обвинителот Геир Евангер првиот ден од судењето во својот воведен збор рекол дека Давуд научил како да употребува експлозив во камп за обука на Ал Каеда во Пакистан, кога склучил „договор“ со меѓународната терористичка мрежа за напад врз данскиот весник. Тројцата обвинети набавиле материјали како што се јаглероден пероксид и ацетон, рекол обвинителот кој ги обвинува Бујак и Јакобсен и за планирање на убиство на карикатуристот Курт Вестергард кој го нацрта пророкот Мухамед со бомба во турбанот. Адвокатот на Давуд тврди дека станува збор за „пионерски“ судски случај кој ќе претставува тест за новиот норвешки закон за тероризам. Објавувањето на карикатурите кон крајот на 2005-та и почетокот на 2006 година во повеќе европски весници предизвика бран гневни протести низ Далечниот исток и Африка. На почетокот од ноември во подметнат пожар беше уништена редакцијата ан францускиот сатиричен неделник Charlie Hebdo откако на насловната страница ја објави слика на пророкот Мухамед. „Терористите се оние кои направија од пророкот заложник. Никогаш не сум рекол дека станува збор за Мухамед. Сакав да покажам дека има терористи кои го користат сламот и Куранот како фасада“, рече пред една година Курт Вестегард, 75-годишниот карикатурист, кој се наоѓа под полициска заштита обајснувајќи ја спорната карикатура.Овој цртеж, рече тогаш Вестегард има сопствен живот низ целиот свет.Според него, карикатурата стана нешто како симбол и тој случајно ја има истата судбина како неа.Во јануари 2010 година данската полиција спречи атентат Вестергард. Сомалиец на 28-годишна возраст вооружен со секира и нож, се обиде да влезе во домот на авторот. Кога 74-годишниот Вестергард го забележал Сомалиецот, веднаш ја алармирал полицијата и се затворил во „безбедната соба“ во неговата куќа. Напаѓачот кој имал дозвола за престој во Данска, бил припадник на сомалиската исламистичка организација Ал Шабаб, која е поврзана со терористичката мрежа Ал Каеда и нејзини акции во источна Африка. Полицијата го следела поради врски со исламистичи групи.Вастергор стана познат во септември 2005 г. кога весникот Jyllands-Posten објави негови карикатури со ликот на пророкот Мухамед, кои предизвикаа гнев меѓу муслиманите и го прогласија за муртед, односно човек кој може каде и да е и кога и да е да биде убиен, а тој што ќе го изврши убиството ќе биде почестен. Јануарскиот, беше 12-ти обид за убиство на Вастергор во последниве четири години.Во Данска, муслиманската заедница претставува околу 3 отсто од 5,5 милионското население.Во муслиманската верска традиција се смета дека секој опис на Пророкот е навредлив. Во 2006 г. други весници повторно објавија карикатури со пророкот Мухамед, што предизвика насилство во голем број земји. Три дански амбасади беа нападнати и најмалку 50 луѓе беа убиени во немирите на Блискиот Исток, во Африка и Азија. Неколку млади муслимани се осуден во Данска под обвинение дека планирале бомбашки напади, делумно во знак на протест на карикатури.Во 2008 г., водачот на Ал Каеда, Осама бин Ладен се закани дека Европа ќе биде казнета за објавување на карикатурите./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.