Свет
Три милиони евра кусок во касата на судството
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-6354.jpeg)
Претседателите на основните судови укажаа дека судството не трпи импровизации и дека без пари не може да се прават реформи во судството.
Третата власт транспарентна во прикажувањето на трошењето на буџетските пари
Претседателите на основните судови укажаа дека судството не трпи импровизации и дека без пари не може да се прават реформи во судството. Старите долгови на судовите изнесуваат над 1,5 милиони евра, а исто толку изнесува и кусокот на средства за материјални трошоци
Гордана Дувњак
Судскиот буџет за оваа година не може да ги обезбеди сите неопходни услови за функционирање на судството и се проценува дека предвидените средства се доволни за четири до пет месеци тековно работење. Старите долгови на судовите изнесуваат над 1,5 милиони евра, а исто толку изнесува и кусокот на средства за материјални трошоци, што сў заедно ја дава бројката од три милиони евра, колку што Ј се потребни на судската власт за нормално функционирање, како и за градежно и инвестициско вложување во започнатите проекти. Зголемување на ставките има единствено во масата на пари за платите и за надоместоците, но ако се има предвид дека постои застој во динамиката за нови вработувања и за преземања на вработени од други министерства, средствата не се пренаменуваат, туку вишокот пари повторно се враќа во Буџетот. Како илустрација, лани биле вратени како неискористени средства близу 29 милиони денари, а од планираните 145 нови вработувања од Министерството за финансии се добиени одобренија само за 45. Овие и многу други бројки без изнесени на вчерашната двочасовна јавна презентација на Извештајот за реализација на Судскиот буџет за 2006 година, на која беше прикажана распределбата по судови, како и плановите за инвестирање во судовите за оваа година. Состанокот на кој, покрај претседателите на судовите, беа поканети и медиумите е во функција на транспарентноста во трошењето на буџетските пари.
Судството се пофали дека минатата година успеало речиси во целост да ги реализира одобрените буџетски средства, а голема ефикасност покажале и во трошењето на сопствените приходи, кои изнесуваат над 63 милиони денари. По направената овластена ревизија е констатирано дека средствата се домаќински трошени и оти нема некои поголеми отстапувања во наменското трошење на парите. Судскиот буџетски совет прави напори да склучи договор со „Македонска пошта" за добивање повластени цени. Барањата на судовите за градежни и инвестициски зафати се речиси двојно поголеми од оние што се предвидени во буџетот, а речиси во почетна фаза е воведувањето на информатичката дејност во третата власт.
Претставникот на Министерството за финансии, Димитар Тодевски, оцени дека има простор за обезбедување на потребните средства и затоа нема потреба од паника. Тој побара од Судскиот буџетски совет уште еднаш да ги преиспита вкупните бројки , бидејќи како рече тие „не се во рамките на реалноста". Тој им препорача на раководители на судовите да направат поинаква распределба на средствата, за да не се доведе во прашање функционирањето на судовите. На ваквото тврдење реплицираше првиот човек на Врховниот суд, Дане Илиев, кој подвлече дека сите ставки се реално проценети и потсети дека со средствата за плати и надоместоци не управува Судскиот буџетски совет, туку Владата. Со тоа што за секое вработување се бара амин од министерот за финансии, рече Илиев, се прави „директен влез во автономијата на судството".
В.д. претседателот на Основниот суд во Кавадарци, м-р Лазар Нанев, потенцираше дека не се прават реформи на судството без пари и оти сега е вистинското време да се направи квалитетен чекор напред. Тој даде и неколку конкретни предлози, како да се направи тоа, појаснувајќи дека третата власт не бара свежи пари, туку отпис на старите долгови. Како едно од можните решенија е државата да одвои дел од годишната дивиденда што треба да ја добие од „Мобимак". Претседателката на скопска ,,единица", Добрила Кацарска праша како да функционира судот со кој таа раководи со стари долгови што изнесуваат 7 милиони денари и како да се работи со намалени трошоци од 54 проценти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Мицотакис: Грција се соочува со опасно лето поради пожари, суша и ветрови
![](https://makfax.com.mk/wp-content/uploads/2019/01/micotakis.jpg)
Грчкиот премиер Киријакос Мицотакис предупреди дека Грција ја чека опасно лето поради шумските пожари, продолжената суша и невообичаено силните ветрови кои придонесуваат за ширење на пожарот.
„Имавме исклучително тежок јуни во однос на временските услови, со силна суша и невообичаено силен ветер за овој период од годината. Сакам да им се заблагодарам на сите што направија одлична работа во последните неколку дена, но и да ни го свртам вниманието назад кон летото за кое се предвидува дека ќе биде особено опасно“, рече Микотакис, пренесува Катимерини.
Шумските пожари се вообичаени во Грција, а топлото, суво и ветровито време кое научниците го припишуваат на ефектите од климатските промени ја зголеми нивната фреквенција и интензитет.
Свет
Полска: Укината е поддршката за домаќинствата кои обезбедуваат помош за украинските бегалци
![](https://makfax.com.mk/wp-content/uploads/2024/07/jm.jpg)
Полските власти најавија дека од денеска ќе стапат на сила измените на законот за помош на граѓаните на Украина, а во рамките на новите регулативи полските домаќинства кои обезбедуваат засолниште за бегалците повеќе нема да добиваат финансиска поддршка од полската влада.
Досега Полјаците кои беа домаќини на Украинците добиваа по 40 злоти дневно за секој кој престојуваше во нивното сместување, пренесува Полското радио.
Заменик министерот за внатрешни работи и државна администрација Мачеј Душчик рече дека системот се укинува поради големите злоупотреби.
Свет
Невработеноста во Австрија во јуни падна на 6,2 отсто, што е најниско ниво во последните девет месеци
![](https://makfax.com.mk/wp-content/uploads/2024/07/bx.jpg)
Стапката на невработеност во Австрија падна во јуни од 6,4 отсто во мај на 6,2 отсто и сега е најниска во последните девет месеци, објави денеска австриската јавна служба за вработување (АМС).
Бројот на регистрирани невработени во Австрија се зголемил за 24.700 на годишно ниво, се наведува на веб-страницата на АМС.
Невработеноста во Австрија е во согласност со трендовите во еврозоната.