Македонија
Договорена нова лидерска средба

Нова лидерска средба во делот на уставните измени за судскиот совет ќе се одржи откако иницијаторите ќе ја поднесат на писмено финалната верзија на нацрт амандманот со кој се предвидуваат измените.
Нова лидерска средба во делот на уставните измени за судскиот совет ќе се одржи откако иницијаторите ќе ја поднесат на писмено финалната верзија на нацрт амандманот со кој се предвидуваат измените.
Според премиерот Никола Груевски ова на денешната лидерска средба го побарал лидерот на СДСМ Бранко Црвенковски.
Премиерот нагласи дека ја образложил потребата од овие измени, со кои се бара зголемување на бројот на членови на Републичкиот судски совет (РСС) што се бираат од редовите на самите судии, министерот за правда да не биде повеќе член на РСС и да се намали нивниот мандат, кој е во траење од шест години.
Груевски рече дека во 2006. година ВМРО-ДПМНЕ не ги поддржало измените бидејќи не биле вклучени и овие барања.
Тој додаде дека е добро за уставните измени да се обезбеди поширока поддршка од сите политички фактори, па затоа ќе биде изготвена нацрт верзија на измените која ќе им биде доставена на лидерите на политичките партии пред новата лидерска средба.
<!– /* Style Definitions */ p.MsoNormal, li.MsoNormal, div.MsoNormal {mso-style-parent:””; margin:0cm; margin-bottom:.0001pt; text-align:justify; mso-pagination:widow-orphan; font-size:11.0pt; mso-bidi-font-size:12.0pt; font-family:Arial; mso-fareast-font-family:”Times New Roman”; mso-bidi-font-family:”Times New Roman”;} @page Section1 {size:612.0pt 792.0pt; margin:72.0pt 90.0pt 72.0pt 90.0pt; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} –>
На средбата претседателот на Нова демократија Имер Селмани побарал во делот на уставните измени да стане збор и за гласањето со Бадинтерово мнозинство, со цел во иднина да се избегнува мајоризација. Селмани начењлно рече дека тие се за уставни промени само доколку со нив се обезбедува судство без корупција.
Лидерот на СДСМ Бранко Црвенковски рече дека иницијативната за измена на Уставот е сериозна работа и бара подготовка, бидејќи во спротивно, тоа би можело да доведе до отворање на нови барања./крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: Најновите економски податоци се алармантни, денеска ќе ги објавам за граѓаните да ја знаат вистината

Претседателот на СДСМ, д-р Венко Филипче, во објава на социјалните мрежи најави дека на прес-конференција во 12 часот ќе ги објави најновите економски индикатори кои, како што вели, не се само загрижувачки, туку навистина алармантни.
„Денес ги добив најновите економски индикатори – и тие не се само загрижувачки, туку навистина алармантни. На денешната прес-конференција во 12:00 часот ќе ги објавам, граѓаните да ја знаат вистинската состојба со економијата. Бројките се фрапантни и јасно укажуваат на сериозни ризици за буџетот и економската стабилност на државата“, стои во објавата на претседателот Филипче.
Македонија
Салиу: Промена во Шуто Оризари мора да има

Кандидатот за градоначалник на Шуто Оризари, Шабан Салиу, во предизборно видео обраќање повикува за промена и за враќање на локалната власт во Шуто Оризари кон реални резултати и отчетност.
„Осум години слушаме едно исто: големи зборови, мали дела“, порачува Салиу.
Осврнувајќи се на политичката недоследност на актуелното раководство, тој додава дека „Курто Дудуш денес не знае ни од која партија е. Те СДСМ, те ЛДП, те ДОМ, те ДУИ и која уште не.“
Во видео пораката, Салиу нагласува дека промена во Шуто Оризари мора да има, промена за подобра инфраструктура и урбан развој.
„Промена за подобро образование, култура и идентитет. Промена за подобро здравје и социјална заштита. Промена за подобра локална економија и нови работни места. Промена за зелено и транспарентно Шуто Оризари“, додава Салиу.
Салиу нагласи дека неговата кампања е заснована на мерливи цели и институционална одговорност.
„Нашата понуда е едноставна — работа што се гледа и отчетност што се чувствува. Општината мора да стане сервис на граѓаните, а не приватна сцена на поединци“, порачува Салиу.
Завршувајќи ја видео пораката со повик за граѓанска мобилизација на изборниот ден, Салиу апелира: „На 19-ти октомври заокружете го бројот 24 – НЕ ВЕТУВАМЕ, ОСТВАРУВАМЕ.“
Македонија
Венецијанската комисија преглага јавниот обвинител да се избира и разрешува со квалификувано мнозинство во Собранието

Венецијанската комисија и Генералниот директорат за човекови права на Советот на Европа препорачуваат јавниот обвинител да се избира и разрешува со квалификувано мнозинство во Собранието, а Уставот да се измени за да се ограничи неговиот реизбор.
Во мислењето се нагласува потребата при изборот да се вреднуваат и менаџерските и организациските способности.
Комисијата препорачува и поголема транспарентност при изборот на членовите на Советот на јавни обвинители, суспендирање на функцијата на обвинителите додека се членови на Советот, како и дополнителни заштитни мерки за автономијата на обвинителството.
Актуелните членови, според предлогот, би ја завршиле својата функција до истекот на мандатот.