Свет
Њујорк: уапсени 177 демонстранти при обидот да го блокираат Волстрит

Најмалку 177 луѓе се уапсени синоќа во Њујорк по судирите помеѓу полицијата и демонстрантите од движењето „Окупирајте го Волстрит“.
Најмалку 177 луѓе се уапсени синоќа во Њујорк по судирите помеѓу полицијата и демонстрантите од движењето „Окупирајте го Волстрит“.
Неколку илјади луѓе се собраа на демонстрациите во Њујорк, но полицијата ги сопре пред да влезат во Волстрит, финансискиот центар на САД, кој тие сакаа да го блокираат.
Во судирите со демонстрантите се повредени седум полицајци. Полицијата постави барикади во улиците кои го опкружуваат Волстрит и со користење на пендреци ги сопреа демонстрантите. ПОвеќето демонстранти се пожалија на полициска бруталност.
Вчера демонстрации од истото движење беа организирани и во повеќе други американски градови. Околу една илјада луѓе се собраа во Сент Луис, а по неколку стотици во Лос Ангелес и во Чикаго. Помали собири имаше и во Детроит, Мајами, Бостон и во други градови.
Движењето „Окупирајте го Волстрит“, кое започна во Њујорк, но се прошири низ целата држава, веќе со месеци организира демонстрации против економската нееднаквост во земјата. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.