Свет
Берлин и Париз разгледуваат план за скусување на еврозоната
Властите на Франција и Германија активно разгледуваат план за радикални реформи на структурите на Европската унија, под претпоставка за излезот на некои земји, особено на Грција, од еврозоната, пишува Reuters, повикувајќи се на извори во дипломатските кругови.
Властите на Франција и Германија активно разгледуваат план за радикални реформи на структурите на Европската унија, под претпоставка за излезот на некои земји, особено на Грција, од еврозоната, пишува Reuters, повикувајќи се на извори во дипломатските кругови.„Франција и Германија одржуваат интензивни консултации на оваа тема во последните неколку месеци, на различни нивоа. Ние мора да се движиме многу внимателно, но вистината е дека ние треба да донесеме точен список на оние кои не сакаат да бидат дел од ’клубот’ и на оние кои едноставно не можат да бидат“, вели соговорникот на агенцијата.Истовремено, уште еден извор на Reuters забележува дека преговорите се наоѓаат во „шпекулативна“ фаза, односно дека властите на двете водечки земји во Европската унија сé уште не разговарале за техничките аспекти.Меѓутоа, самите власти на Унијата се противат на идејата за „преуредување“ на еврозоната. На пример, претседателот на Европската комисија. Жозе Мануел Баросо, во четвртокот изјави дека промените во монетарната унија ќе бидат скапи, како за Франција, така и Германија.„Мир и просперитет во Северна и во Западна Европа не може да има без мир и просперитет на Истокот (од Европа- з.р.)“, рече Баросо.Тој истакна дека Германија треба да се грижи за натамошниот развој, интеграциите и зголемување на конкурентноста во еврозоната. Во случај на „скусување“ на еврозоната, најголема економија во Европа очекува пад на БДП-то од 3 отсто, посочи Баросо.„И, покрај тоа, тоа (се мисли на намалувањето на членките на еврозоната – з.р) ги поткопува перспективите на идните генерации (на германските државјани – з.р)“, заклучи претседателот на Европската комисија. Минатата седмица во европските медиуми беше отворена темата за можното излегување на Грција од еврозоната. Причината за овие разговори беше изјавата на грчкиот премиер на заминување Јоргос Папандреу дека треба да се одржи референдум за прашањето, како што се претпоставуваше, за натамошно учество на земјата во еврозната./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.
Свет
Русија и’ се закани на Велика Британија
Русија за прв пат официјално и се закани на Британија со напади на нејзина територија.
„Доколку Украина ги користи ракетите доставени од Велика Британија за да ја нападне Русија, тоа може да резултира со руски напади врз воени цели во Велика Британија и надвор од Украина“, соопшти руското Министерство за надворешни работи.
Британскиот амбасадор Најџел Кејси беше повикан во руското Министерство за надворешни работи на официјална протестна нота откако британскиот министер за надворешни работи Дејвид Камерон изјави дека Украина има право да користи британско оружје за напад на руска територија. Руското Министерство за надворешни работи соопшти дека изјавата на Камерон значи дека Британија практично признала дека е учесник во војната во Украина.
„Кејси беше предупреден дека како одговор на украинските напади на руска територија со британско оружје, сите британски воени инсталации и опрема на територијата на Украина и во странство би можеле да станат цели“, се вели во соопштението.
„Амбасадорот е поканет да размисли за неизбежните катастрофални последици од ваквите непријателски потези на Лондон и веднаш да ги отфрли воинствените и провокативни изјави на министерот за надворешни работи на дециден и недвосмислен начин“, пишуваат од Министерството.
Британскиот министер за надворешни работи Дејвид Камерон минатата недела изјави дека Украина треба да одлучи како да користи британско оружје и нагласи дека Киев има право да гаѓа цели на руска територија.
За време на посетата на Киев, тој рече дека Британија ќе и дава на Украина 3 милијарди фунти (околу 3,5 милијарди евра) годишно, колку што е потребно. „Исто како што Русија напаѓа внатре во Украина, можете да разберете зошто Украина чувствува потреба да ја обезбеди својата одбрана“, рече Камерон.
Шефот на британската дипломатија, кој се сретна со претседателот Володимир Зеленски во Киев, рече дека Русија започна напад врз Украина и Украина има „апсолутно право да возврати на Русија“.
Портпаролката на руското Министерство за надворешни работи Марија Захарова во петокот изјави дека изјавите на британскиот министер за надворешни работи се признание дека Западот води војна против Русија користејќи „украински раце“.
„Зборовите на Камерон се уште еден доказ за хибридната војна што Западот ја води против нашата земја“, рече Захарова.
Портпаролот на Кремљ, Дмитриј Песков, истакна дека ова е директна ескалација на тензиите околу украинскиот конфликт, што потенцијално претставува закана за европската безбедност.
Свет
Италија: Лани лично го предупредивме Зеленски, контраофанзивата беше грешка
Италијанскиот министер за одбрана изјави денеска дека економските санкции наметнати на Русија не успеале и го повика Западот да направи повеќе за да преговара за дипломатско решение со претседателот Владимир Путин за да се стави крај на војната во Украина.
Гвидо Крозето за дневниот весник Ил Месаџеро изјави дека Западот погрешно верувал дека санкциите може да ја запрат руската агресија.
„Наместо тоа, единствениот начин да се реши таа криза е сите да бидат вклучени, прво да се воспостави примирје, а потоа мир“, рече Крозето.
На забелешката на новинарот дека Путин не покажал волја за преговори, Крозето одговори дека „тоа е добра можност да се обидеме повеќе“.
„Не смееме да пропуштиме ниту еден дипломатски пат, колку и да е тесен“, нагласи тој.
Крозето, сепак, ја бранеше одлуката на Италија да продолжи да испраќа оружје во Украина со цел „да се обезбеди време и услови за постигнување прекин на огнот и мир“.
Тој исто така предупреди дека во случај Русија да го окупира Киев, „тоа неизбежно ќе доведе до конфликт со други земји кои нема да прифатат руски тенкови да се наоѓаат на нивните граници“.
Тој ја нарече минатогодишната украинска контраофанзива грешка со оглед на воената супериорност на Русија и рече дека лично го предупредил украинскиот претседател Володимир Зеленски дека таа е осудена на неуспех, но тој не го слушал.
Италија во моментов претседава со групата Г7.