Свет
Закопот на Гадафи одложен за неколку дена
Закопот на убиениот во четвртокот поранешен водач на Либиската Џамахирија, полковникот Моамер ел-Гадафи, ќе биде одложен за неколку дена, додека не се одбере локацијата каде тоа ќе биде сторено, пренесува во петокот Reuters повикувајќи се на изјава на министерот за нафта на Либија, Али Тархуни.
Закопот на убиениот во четвртокот поранешен водач на Либиската Џамахирија, полковникот Моамер ел-Гадафи, ќе биде одложен за неколку дена, додека не се одбере локацијата каде тоа ќе биде сторено, пренесува во петокот Reuters повикувајќи се на изјава на министерот за нафта на Либија,Али Тархуни.Претходно во петокот дописничката на BBC од Триполи, јави дека либиските челници одлучиле Гадафи да биде закопан брзо и во тајност, но се уште не се сосема сигурни како и на кое место ќе го сторат тоа. Неговото тело најверојатно уште се наоѓа во Мисрата, каде беше пренесено откако тој беше фатен и убиен во близината на неговиот роден град Сирт.Гадафи кој владееше со Либија 42 години, беше убиен во близина на неговата „мала татковина“ родниот град Сирт.Според една од верзии, тој бил заробен од припадници на силите на Националниот преоден совет (NTC) во близината на Сирт, а автомобилот со кој бил превезуван во болница, паднал во вкрстен оган меѓу лојалистите на Гадафи и востаниците, при што тој бил смртно ранет во главата.„Им реков да го чуваат (телото на Гадафи) во фрижидер неколку дена, … за да може сите да се уверат дека тој е мртов“, ги цитира агенцијата на зборовите на Тахруни.Според друга информација, Гадафи бил фатен во заседа, а подоцна и починал од сериозните рани во нозете и главата здобиени во борба. Според медицински извори кои го видел телото на Гадафи, тој починал од рани на главата и стомакот.Во меѓувреме се појавија повеќе прашања за тоа што точно се случи во последните моменти од животот на Гадафи, особено по појавата на вознемирувачките снимки и фотографии кои укажуваат на тоа дека тој бил фатен жив, злоставуван и погубен. што Националниот преоден совет го негира.Организацијата за човекови права Amnesty International побара „целосна, независна и непристрасна истрага“ за околностите на смртта на Гадафи./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.