Свет
ЕУ ја поздрави најавата на ЕТА за крај на оружената борба
Претседателот на Европската комисија, Жозе Мануел Баросо и претседателот на Европскиот парламент Јержи Бусек во петокот ја поздравија најавата на Баскиската вооружена организација – ЕТА за конечен крај на нивната вооружена активност.
Претседателот на Европската комисија, Жозе Мануел Баросо и претседателот на Европскиот парламент Јержи Бусек во петокот ја поздравија најавата на Баскиската вооружена организација – ЕТА за конечен крај на нивната вооружена активност. „Во името на Европската комисија и во свое лично име, сакам да го изразам најдлабокото задоволство од вчера објавената вест за конечно престанување на воените активности на ЕТА. Тоа навистина претставува историски момент, со кој се завршуваат годините на теророт и нападите врз шпанското општество“, се вели во пораката на Баросо. Претседателот на Европскиот парламент Бусек, исто така, ја поздрави најавата на ЕТА, истакнувајќи дека сега оваа организација ќе „мора да се разоружи и распушти“. „Секогаш тврдев дека единствени инструменти коишто може да се користат во политичките судрувања се зборовите и идеите, а ни тие не смеат да бидат користени за поттикнување насилство и омраза. Нема место за насилството во Европската унија, Уште една демократијата ја доби нитката против тероризмот3, рече Бусек. ЕТА во четвртокот објави „конечен крај на својата вооружена активност“, по повеќе од 40 години борба за независност на Баскија во која загинале повеќе од 800 луѓе. „ЕТА одлучи конечно да ја прекине својата оружена активност. ЕТА им упатува повик на шпанската и на француската влада да го почнат процесот на директен дијалог со цел да се отстранат последиците од судирот и така да го надмине оружениот судир“, се истакнува во соопштението на баскиската организација. ЕТА која од страна на ЕУ и САД е прогласена за терористичка организација, се смета за одговорна за смртта на 829 луѓе од почетокот на делувањето кон крајот на 60-те години од минатиот век и борбата за независност на францускиот и шпанскиот дел од Баскија и Навара.Официјалниот датум на основањето на ЕТА е 31 јули 1959 г., кога група млади луѓе, кои се одделија од Баскиската национална партија, одлучија да се борат за независноста на Баскија со оружје. Според шпанските полициски извештаи, првата жртва на баскиските терористи (иако организација никогаш не ја презема одгвоорноста за тоа убиство) е 22-месечното девојче Бегоња Урос Ибарола, коешто живо изгоре при самоубиствен напад извршени од терористи на 27 јуни 1960 г. година на железничката станица „Амара“ во Сан Себастијан. Првпат организацијата официјално се појави на 7 јуни 1968 г., кога изврши терористички чин во кој загина полицаецот Жозе Пардинес. Според последните пресметки на шпанските безбедносни служби, ЕТА е одговорона за убиствата на 858 луѓе. Последниот смртоносен напад на баскиските терористите бееш извршен на 30 јули 2009 г. во Мајорка, кога загинаа двајца полицајци./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.