Раководството на Палестинската национална автономија (ПНА) потврди дека ќе поднесе барање до Советот за безбедност на Обединетите нации (ОН) да ја признае државата Палестина и да стане членка на таа организација.

Раководството на Палестинската национална автономија (ПНА) потврди дека ќе поднесе барање до Советот за безбедност на Обединетите нации (ОН) да ја признае државата Палестина и да стане членка на таа организација.Ова денеска во го соопшти советникот на претседателот на ПНА, Саиб Орејикат за радиото „Гласот на Палестина“. Тој појасни дека овој чекор е преземен бидејќи „не е возможно да се добие полноправно членство во оваа организација (ОН) без негова (на Советот за безбедност) согласност.“ Орејикат кој ги предводи преговорите во Палестинската ослободителна организација (ПЛО), ги негираше информациите во медиумите за постоење на американската иницијатива за продолжување на директни преговори меѓу Палестинците и Израел. Истовремено весникот New York Times цитирајќи високи американски претставници и странски дипломати пишува дека Вашингтон вложува напори за да се избегнат конфронтации до кои  може да дојде доколку Палестинците бараат признавање на нивната држава во ОН. Весникот пишува дека администрацијата на американскиот претседател Барак Обама претставила план за продолжување на мировните преговори меѓу Палестинците и Израел, во обид да го убеди палестинскиот претседател Махмуд Абас да се откаже од своите планови да се постигне признавање на државноста на состанокот на светските лидери на Генералното собрание на ОН коешто ќе се одржи во Њујорк на 20 септември. Како што забележува весникот, американската администрација го известила Абас дека ќе употреби вето за да спречи усвојување на предлогот за прием на палестинската држава како нова членка на ОН. Сепак, како што пишува весникот, Вашингтон во овој момент ја нема потребната поддршка за да се спречат палестинските намери да го крене својот статус во Генералното собрание од набљудувачка мисија во држава набљудувач. Доколку оваа промена на статусот биде усвоена, Палестина ќе има право на глас, а исто така ќе и’ биде овозможено да се приклучи на многу агенции на ОН, како и да поднесува тужби против Израел во Меѓународниот кривичен суд. Орејикат потврди дека Палестинците планираат да организираат мирни демонстрации во септември, за да се „сврти вниманието на светската јавност кон нивниот статус во ОН и оти не сакаат да влезат во какви и да се судири со израелските окупациски власти на палестинските територии“. Тој повторно ги повика САД и Европа да им дадат поддршка на Палестинците и да ја признаат нивната државност, како што тоа го сторија и многу други земји во светот. Во март годинава, палестинскиот лидер Махмуд Абас, прво најави дека во септември ќе се обрати пред ОН со барање за признавање на независна палестинска држава во границите од 1967 година – во Западниот брег и појасот Газа со нејзин главен град во Источен Ерусалим. Оваа изјава предизвика остра реакција на Израел, САД и неколку западни земји, за кои тоа претставува едностран чекор и повикаа на продолжување на мировните преговори со Израел, прекинати во септември 2010 година поради нерешавањето на прашањето за подигањето на израелските населби на окупираните палестински територии. Израел одбива да се врати во границите од 1967 година, ја одбива поделбата на Ерусалим  кој го прогласи за своја„вечна и неделива престолнина“./крај/мф/сн