Скопје
Одржан Форум со работодавачите и инфо средба со младите во Општина Илинден
Општина Илинден во соработка со Министерството за труд и социјална политика и Агенцијата за вработување, организираше Форум со работодавачите односно стопанствениците и инфосредба со млади лица од Општина Илинден, на тема: Со подобри политики на поддршка до повеќе вработувања во бизнис секторот.
Целта на Форумот со работодавачите беше да се презентираат поволните мерки и активности кои што им се на располагање на претставниците на бизнис секторот при вработување и ангажирање на лица за потребите во своите капацитети.
По средбата со претставниците на бизнис секторот се организираше инфосредба со младите од Општина Илинден, на која се презентираа можностите што им се нудат на младите лица да се вработат и почнат со сопствен бизнис.
На форумот со работодавачите, како и на инфосредбата со младите, градоначалникот на Општина Илинден, Жика Стојановски ја искажа својата определба во интензивирањето на одржлив локален економски и социјален развој и ја потврди посветеноста во работењето на локалната самоуправа за обезбедување на квалитетни услуги и услови за влез на домашни и странски инвестиции, овозможување и отворање на нови работни места, со што ќе се придонесе за подобрување на условите за живот и животниот стандард, конкурентност и овозможување на квалитетен живот на сите учесници во локалната заедница. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.