Во Солун е потврден првиот случај на човечкиот метапневмовирус (ХМПВ) кај 71-годишен маж, кој е хоспитализиран.

Според грчките медиуми човекот се заразил од неговата ќерка која била во Кина на одмор.

Министерот за здравство Адонис Георгиадис во интервју за грчките медиуми, по објавувањето на првиот случај на метапневмонија во Солун кажа дека повозрасниот маж е хоспитализиран во болница во Солун.

„Се обидуваме да откриеме дали има некаква мутација на вирусот, бидејќи има карактеристика лесно да мутира и сакаме да се види дали има некои поопасни карактеристики“.

„Го чекаме деталниот преглед кој го побаравме“, нагласи Адонис Георгиадис.

Тој категорично посочи дека „во овој момент нема посебна причина за загриженост за вирусот ниту за Грција, ниту за Европа“.

„Метапневмовирусот не е нешто ново, како што беше Ковид во 2019 година, кога започна од Кина. Станува збор за познат вирус кој напаѓа луѓе што со нарушено здравје или мали деца, кои сè уште немаат развиено имунитет“, објасни Георгиадис.

Хади Назари, 23-годишен студент по медицина, беше пронајден жив откако исчезна пред 13 дена на 26 декември минатата година додека планинареше во австралискиот национален парк Кошчиушко.

Откако се разделил од своите пријатели за да го фотографира пејзажот, тој се изгубил во регионот на Снежните Планини.

Потрагата, во која учествуваа стотици волонтери, меѓу кои и пријателите и семејството на исчезнатиот ученик, траеше речиси две недели. Го спасила група планинари кои го пронашле денеска во близина на Синото езеро, на околу 10 километри од кампот каде што требало да се сретне со своите пријатели.

Според началникот Ендрју Сплит, Назари бил дехидриран, но бил свесен и не бил сериозно повреден. Брзата помош веднаш со хеликоптер го пренела во болница на дополнителен преглед.

Назари преживеал на две плочки од житарки пронајдени во планинска колиба, бобинки и вода од поток. Сплит ја пофали неговата снаодливост и упорност и истакна дека поминал значително растојание во тешки услови.

Неговото семејство, видно трогнато, рече дека ова е „најсреќниот ден во нивниот живот“. Спасувачката операција заврши успешно и покрај предизвикувачките временски услови. Полицијата ќе разговара со Назарио откако тој ќе заврши со опоравувањето во болница за да ги разјасни сите околности на неговото исчезнување.

Одбранбените сили на Украина во текот на ноќта ја погодија базата за складирање нафта „Комбинат Кристал“, која се наоѓа во градот Енгелс, во руската област Саратов, објави Генералштабот на вооружените сили на Украина на „Фејсбук“, пренесува „Укринформ“.

Гувернерот на таа област, Роман Бусаргин, претходно денеска изјави дека руските градови Саратов и Енгелс биле нападнати од украински беспилотни летала во текот на ноќта, но според прелиминарните информации, во нападот нема повредени.

Рускиот гувернер на „Телеграм“ објави дека противпожарните екипи и итните служби биле испратени на местото на несреќата.