Македонија
Анкета: Владата добро работи за исполнување на условите за влез во ЕУ
Како и при секој претходна анкета, огромен процент од македонските граѓани сметаат дека Република Македонија треба да влезе во Европската Унија, покажуваат резултатите од телефонската анкета на „Транспарентност – Нулта корупција“
Резултатите од анкетата покажуваат дека 58 отсто од испитаниците во анкетата сметаат дека Владата на премиерот Никола Груевски добро работи за да ги исполни условите за почеток на преговорите за членство.Како што се забележува во презентираните податоци на „Транспарентност – Нулта корупција“, 56 отсто од испитаниците не се информирани за вистинсктие приоритети за членство во ЕУ и обврските што ги има државата кога би станала полноправна членка на Унијата, а повеќе од 53 отсто од анкетираните македонски граѓани не знаат кои услови треба да ги исполни државата за да ги започне преговорите за членство, наспроти 47 проценти од оние кои се информирани за тоа што треба Република Македонија треба да исполни. Што може да се толкува и како недоволен маркетинг во однос на презентирањето на приоритетите за членство во ЕУ, но и како медиумски партиски дневно-политички маркетинг. Притоа видливо е дека отсуствува прашањето , како граѓание се информираат за она што Европската Унија го бара од Република Македонија.Инаку, со анкетата под наслов „Македонија и Европската унија“, спроведена во април, биле опфатени 380 лица од територијата на целат држава, а спроведена телефонски.Како најсоодветна метода за собирање на податоците, а во исто времезачувување на анонимноста на одговарателот, бил одбран телефонскиотконтакт при избор на случајни телефонски броеви. Овој метод дозволувапоголема флексибилност заради краткото време, што им се одзема наиспитаниците, се информира во дообјаснувањето на анкетата од страна на „Транспарентност – Нулта корупција“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.