Македонија
Нови 25-мина хоспитализирани од Х1Н1
Дванаесет пациенти со симптоми на грипот Х1Н1 биле хоспитализирани во последните 24 часа на Клиниката за инфективни болести во Скопје, се вели во последниот извештај на
Дванаесет пациенти со симптоми на грипот Х1Н1 биле хоспитализирани во последните 24 часа на Клиниката за инфективни болести во Скопје, се вели во последниот извештај на Министерството за здравство.
Во соопштението се наведува дека состојбата на новопримените заболени е стабилна, освен кај четворица кои се со потешка форма на пневмонија и имаат проблеми со дишењето.
Уште 13 пациенти со симптоми на новиот грип биле задржани на болничко лекување и во Воената болница, Клиниката за детски болести и на Институтот за белодробни заболувања, со што вкупниот број на хоспитализирани во последното деноноќие изнесува 25 лица.
Од Заводот за градска заштита информираат дека од вчера попладне се вакцинирале околу 140 луѓе, и дека интересот на граѓаните за имунизација против новиот грип е исклучително голема.
Од таму потсетуваат дека вакцинацијата е бесплатна и се врши секој ден од 8 до 20 часот во Центрите за јавно здравје и во Здравствените домови ширум Македонија. /крај/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.