Свет
Ќе може да се пресадуваат бубрези од починати лица
Пациентите на дијализа што немаат можност за трансплантација на бубрег од жив донатор, може да се надеваат на кадаверична трансплантација од починати лица.
Министерството за здравство формира Комисија за кадаверична трансплантација
ЈАСМИНА ЈОВАНОВСКА
Пациентите на дијализа што немаат можност за трансплантација на бубрег од жив донатор, може да се надеваат на кадаверична трансплантација од починати лица. Законската регулатива која беше донесена без подзаконски акти (кои беа единствена пречка за заживување на трансплантацијата од починати лица кај нас), по повеќе од десет години, конечно, ќе биде извадена од фиока. На нејзино додефинирање, посебно на подзаконските акти од оваа област, од петокот почна да работи стручна комисија што беше формирана по барање на Министерството за здравство. Девет стручњаци од разни медицински области што се во тесна врска со пресадување на органите се ангажирани да извршат дорегулирање на трансплантацијата и донирањето на органите и нејзино усогласување со европските стандарди.
Оваа стручна комисија, како што велат во Министерството за здравство, ќе треба да утврди дали на постојната регулатива ќе треба да се изработат подазконски акти, или за одредени работи ќе мора да се донесат нови закони. Она поради што најмногу се кршеа копјата за да профункционира пресадувањето на органи од починати лица, за формата за изјаснување на лицата дали ќе ги донираат органите или не, ќе бидат понудени повеќе решенија. Ќе се побараат искуствата од другите земји, каде што овој вид трансплантација се спроведува и од нив ќе се бара решение кое најмногу одговара на нашите услови.
Светските податоци говорат дека на милион жители се јавуваат по 50 пациенти што завршуваат во кома, кои се потенцијални донатори на органи. Ова би значело најмалку 50 трансплантации на бубрези годишно повеќе од сега, кои моментално се движат од 20 до 30. Со пресадување на бубрегот пациентите ќе ослободат дијализни места за кои сега владее невиден недостиг, посебно во Скопје.
Законот за трансплантација со години стоеше само на хартија, зошто кога беше донесен се отвори голема јавна полемика околу етичкиот и хуманиот аспект за начинот на изјаснувањето дали да се донираат или не органите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.