Црна хроника
Во сообраќајки загина едно дете, а десетина лица се повредени
Во пет одделни сообраќајни незгоди што се случиле на територијата на Македонија, како што јавивме загина едно петгодишно девојче, а други десет лица се здобиле со потешки или полесни повреди.
Во пет одделни сообраќајни незгоди што се случиле на територијата на Македонија, како што јавивме загина едно петгодишно девојче, а други десет лица се здобиле со потешки или полесни повреди.
Имено, во неделата во 2 часот во Скопје на ул. „11-ти Октомври“ случена е сообраќајна незгода во која автомобил „Матиз“ со скопски регистерски ознаки управувано од Д.Т.(31) од Скопје удрил во 17-годишен пешак. Тој се со тешки телесни повреди по што бил пренесен и задржан во ургентниот центар „Мајка Тереза“ на понатамошно лекување.
Во саботата, околу 17.30 часот на регионален пат Куманово-Скопје кај село Никуштак случена е сообраќајна незгода помеѓу автомобил „Рено“ со скопски регистерски ознаки управувано од С.Ј.(50) од Кратово и „Ауди А4“ со скопски регистерски ознаки управувано од С.С.(37) од Скопје. Во незгодата со тешки телесни повреди се здобил С.С. кој со брза помош бил пренесен во болницата во Куманово каде му биле констатирани тешки телесни повреди и бил задржан за понатамошно лекување, додека сопатникот С.С. со друго возило бил префрлен во Ургентниот центар во Скопје. Исто така, во саботата околу 18.30 часот во Скопје на крстосницата од булеварите „Илинден“ и „8-ми Септември“, случена е сообракајна незгода помеѓу „Ровер“ со скопски регистерски ознаки управувано од С.Н. (50) од Скопје и „Сеат Алтеа“ скопски регистерски ознаки управувано од Л.И. од Скопје. Во незгодата со тешки теллесни повреди се здобил С.Н. и со брза помош бил пренесен во Ургентен центар и истиот бил задржан на понатамошно лекување.
Во Куманово, пак, во саботата околу 16 часот на крстосницата од улиците „Тоде Думба“ и „Билјановска“ случена е сообраќајна незгода помеѓу автомобил „Хонда“ со бугарски национални ознаки управувано од К.А.Л.(30) од Софија, Бугарија и автомобил „Тојота Авенсис“ со кумановски регистерски ознаки управуван од С.К.(48) од Куманово. Во незгодата со телесни повреди се здобил С.К. и сопатничката од „Хондата“, Ј.А.Л.(32) од Софија, кои, по укажаната лекарска помош во болницата во Куманово, биле пуштени на домашно лекување.
Како што претходно пишувавме, во саботата околу 14.50 часот на магистралниот пат Прилеп – Градско пред крстосницата за село Дреново, се случила сообраќајна незгода во која автомобил „Форд Фиеста“ со велешки регистарски управувано од С.Д. (42) од Демир Капија удрило во брегот од десната страна и се превртело на коловозот. Во незгодата на самото место починало пет годишно девојче сопатник во возилото. Возачот се здобил со тешки телесни повреди. Сопатничка М.Д.(67) се здобила со телесни повреди и на истите им била укажана медицинска помош во болницата во Кавадарци и биле задржани за понатамошно лекување, додека сопатникот И.Д.(67) се здобил со телесни повреди, а лекарска помош му била укажана на самото место од екипа на брзата помош. Увид на местото на настанот извршиле екипа од ПО БПС Кавадарци и ЈО, по чија наредба телото на починатата е предадено на обдукција./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.