Спорт
Фетел доминантен во Турција
Возачот на Ред Бул, актуелниот светски првак во Ф1, Себастијан Фетел победи на четвртата трка во годинешното првенство, Големата награда на Турција.
Возачот на Ред Бул, актуелниот светски првак во Ф1, Себастијан Фетел победи на четвртата трка во годинешното првенство, Големата награда на Турција. Фетел до третата победа оваа сезона, вкупно 13-та во кариерата, дојде со време од 1:30:17.558 часа. Успешниот викенд на патеката „Истанбул парк“ за екипата на Ред Бул го комплетира Марк Вебер кој го освои второто место, додека покрај пилотот на Ред Бул место на победничкиот пиедестал освои и третопласираниот Фернадо Алонсо, кој на Ферари му го донесе првиот подиум оваа сезона.Покрај првите тројца бодови во Турција освоија уште, Луис Хамилтон (Мекларен Мерцедес), Нико Розберг (Мерцедес), Џенсон Батон (Мерцедес), Ник Хајдфилд (Рено), Виталиј Петров (Рено), Себастијан Буеми (Торо Росо) и Камуи Кобајаши (Заубер).По четири трки во генералниот пласман води Фетел со 93 бода, Хамилтон има 59, додека третопласиран е Вебер со 55 бода. Шампионатот во Ф1 ќе продолжи на 22 мај, кога на патеката „Каталуња“ ќе се вози трката за Големата награда на Шпанија. крај/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.