Бомбашот-самоубиец кој уби 36 лица, и рани повеќе од 150, кога активира бомба на московскиот аеродром Домодедово, на 24 јануари, наводно е од Ингушетија на Северен Кaвказ

Повикувајќи се на „добро информиран“ извор, руската новинска агенција Интерфакс, наведува дека властите се на мислење дека атентаторот е 20-годишниот Могамед Евлоев. Руските власти на анализа во Москва испратиле на ДНК анализа, примероци од неговите роднини од селото Али-Јурт.Портпаролот на безбедносните служби, официјални преставници на руското МВР и истражителите, на прашање на AFP, одговориле дека не се во можност да ја потврдат веста. Претходно безбедносните служби информираа дека самоубиствениот напад го извел дваесетгодишник од една од републиките кои се наоѓаат во Северен Кавказ, ненаведувајќи други детали.Веста на Интерфакс се појави откако на итнерент страницата Life News на почетокот на седмицата беше објавена фотографија на Могамед Eвлоев, со коментар дека неговите родители немаат никакви вести за него уште од септември минатата година кога заминал од Краснодар, пренесува АFP.Минатиот петок извори од истражните органи соопштија дека истрагата утврдила оти бомбашот–самоубиец кој ја детонирал експлозивната направа, се врткал низ зоната за пристигнувања околу 15 минути пред да се разнесе себеси. Терористот се измешал во масата луѓе и се преправал дека чека некого цели 15 минути. Човекот левата рака ја чувал во џебот.Владимир Маркин, портпарол на истражната комисија, мината седмица неотркивајќи го идентитето на напаѓачот за кого кажа де е познат за истрагата соопшти дека нападот во аеродромската зграда во Домодедово, бил првенствено насочен против странските државјани. Претходно неименувани извори од руските безбедносни сили изјавија дека човекот кого го бараат е именуван како Виталиј Јурјевич Раздобудко, роден 1978 г. и е жител на провинцијата Ставропол, која се граничи со севернокавкаските провинции, претежно населени со муслимански малцинства, кои не се етнички Руси.Се верува дека Раздобудко е член на „Ногаи Јамаат“, бунтовничка група стационирана во Дагестан, провинција во самото средиште на растечкиот исламистички бунт, кој предизвика две постсоветски сепаратистички војни во соседната Чеченија. Можно е тој да бил организатор на нападот, па дури и самиот напаѓач, велат изворите.„Ногаи Јамаат“, или „Групата Ногаи“ е одговорна за заговорот за бомбашки напади во Москва за Нова година, кој пропадна кога смс порака предвремено ја детонираше бомбата на жената–бомбаш во нејзиниот апартман. Регионот Ногаи се наоѓа во северен дагестан, блиску до Ставропол.„Ногаи Јамаат“, или „Групата Ногаи“ е одговорна за заговорот за бомбашки напади во Москва за Нова година, кој пропадна кога смс порака предвремено ја детонираше бомбата на жената–бомбаш во нејзиниот апартман. Регионот Ногаи се наоѓа во северен Дагестан, блиску до Ставропол.