Свет
Никој не знае кога и како биле утепани овците
Министерството за одбрана одбива да каже како и кога било гранатирано бачилото каде што наводно угинале повеќе од 1.000 грла добиток, по што државата на лицето Иснафарис Џемаили му исплатила отштета од 720.000 евра.
Емил Зафировски
Министерството за одбрана одбива да каже како и кога било гранатирано бачилото каде што наводно угинале повеќе од 1.000 грла добиток, по што државата на лицето Иснафарис Џемаили му исплатила отштета од 720.000 евра. Во МО вчера изјавија дека за сите информации од случајот било надлежно Јавното правобранителство.
– Во согласност со законот, Јавното правобранителство е овластен орган што ја води постапката пред суд. Тоа располага и е надлежно со сите информации од содржината на случајот – изјави вчера Биљана Аврамовска, портпаролка на МО.
Во Јавното правобранителство вчера немаа информации за точниот датум на гранатирањето на бачилото ниту детали како се случило, но ветија дека денеска ќе ги обезбедат информациите.
„Време“ вчера стапи во контакт со Иснафарис Џемаили, но тој не можеше да се сети ниту на датумот на бомбардирањето ниту колку овци точно му загинале.
– Не ми текнува во моментов. Знам дека беа два хеликоптери „апачи“. Овците ми ги убија со две гранати. Бомбардираа среде бел ден. Најголем дел од овците беше на паша, но неколку беа и во бачилото. Едниот го рекетира бачилото, а другиот се спушти над овците и ми ги испотепа – изјави вчера Џемаили.
Врховниот суд завчера, откако претходно го разгледа случајот „Бачило“, информира дека Министерството за одбрана и Јавното правобранителство ја дезинформирале јавноста и дека не се обиделе да ја оспорат одлуката за огромното обесштетување.
Јавното правобранителство на Република Македонија вчера реагираше преку соопштение во кое нагласува дека случајот бил граѓански спор за надомест на штета на Иснафарис Џемаили од Скопје предизвикана од воени дејства во 2001 година.
– Лицето покрена тужба против МО за надомест на штета. За време на постапката во Основниот суд Скопје 1 се донесени две пресуди. Првата пресуда е меѓупресуда со која е утврдено дека тужениот му причинил штета на тужителот. Против оваа пресуда е поднесена жалба, која е одбиена од Апелацискиот суд во Скопје, и првостепената меѓупресуда на Основниот суд Скопје 1 станала правосилна – се вели во соопштението на правобранителството.
Во соопштението се нагласува дека било издејствувано отштетата да се намали за околу милион денари од првичното барање на тужителот.
Ниту Врховниот суд, ниту Правобранителството, ниту МО во своите досегашни информации за случајот не наведуваат кога точно се случило гранатирањето на бачилото.
Според изнесените информации, при гранатирањето на Џемаили му загинале 925 овци, 31 коњ и 4 ждребиња во месноста Вакуф на Шар Планина, каде што наводно одгледувал 5.970 овци, 49 коњи и 4 ждребиња. Вештачењето за штетата го извршиле тројца вештаци од Земјоделскиот факултет и заклучиле дека овците му давале по 80 литри млеко дневно, 81.285 килограми сирење годишно и дека на оние што преживеале од стрес им секнало млекото.
Неколку прашања остануваат нејасни и фрлаат сомнеж врз случајот, коментираат доброупатени познавачи на сточарскиот бизнис. Тие велат дека две гранати дење не можат да утепаат 1.000 грла овци затоа што тие се раштркани низ пасиштата, а стадото само ноќе лежи во бачилото. Чудно било и тоа што наводно настрадал само добитокот, но не и десетината овчари што морале да бидат со овците. Според упатените, не е можно овците да даваат 80 литри млеко по грло затоа што во просек даваат по 25 литри.
Бучковски ја повика Антикорупциската
Премиерот Владо Бучковски вчера побара од Антикорупциската комисија да го испита случајот „Бачило“.
– Поради различните толкувања од страна на Врховниот суд и Јавното правобранителство за случајот „Бачило“, како и изјавите на прес-конференциите на ВМРО-ДПМНЕ, а за да се утврди вистинитоста, упатувам барање до Комисијата за борба против корупцијата за понатамошно разгледување на документацијата од предметот – се вели во писмото на Бучковски до Антикорупциската комисија.
Во писмото тој нагласува дека додека тој бил министер за одбрана МО постапувало законски за случајот „Бачило“
– Во постапувањето и одлучувањето на Јавното правобранителство и Јавното обвинителство за предметот, Министерството за одбрана, додека јас го раководев, не беше воопшто инволвирано и постапуваше целосно законски – вели Бучковски во писмото.
Џемаили: Ќе барам 25 милиони евра
Овојпат ќе барам отштета од 25 милиони евра за загрозување на животите на вработените и за стресот што го претрпеле од гранатирањето, изјави вчера Иснафарис Џемаили.
– Го барам виновникот што ја дал наредбата да ми се гранатираат овците. Реонот не беше воена зона и таму никогаш немаше воени дејства и активности. Наредбата е издадена од ГШ на АРМ и виновникот мора да одговара – рече Џемаили, кого го добивме на телефон и ни рече дека се наоѓа на неговото бачило на Шар Планина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Фицо: Размислуваме за возвратни мерки доколку Украина го запре протокот на руски гас
Премиерот на Словачка, Роберт Фицо, рече дека земјата ќе размисли за реципрочни мерки против Украина, како што е прекинување на резервната испорака на електрична енергија по 1 јануари, доколку Киев го запре транзитот на руски гас за Словачка, според очекувањата.
Словачка се обидува да го задржи рускиот гас преку Украина до 2025 година, иако Киев одби да го обнови транзитниот договор со Москва кој истекува на крајот на годината.
Фицо тврди дека алтернативните рути нагло ќе ги зголемат трошоците и ќе ги погодат словачките транзитни операции, предизвикувајќи загуба од 500 милиони евра во такси. Во денешната видео-порака објавена на Фејсбук, Фицо го повтори своето мислење дека прекинот на гас преку Украина ќе има негативно влијание врз Европската унија и нејзината конкурентност.
Тој ги наведе проценките дека трошоците за Унијата би можеле да достигнат 120 милијарди евра во периодот од 2025 до 2026 година поради повисоките цени на гасот и производството на електрична енергија. Тој ја препиша вината на украинскиот претседател Володимир Зеленски, со кого имаше јавна полемика минатата недела.
„По 1 јануари ќе ја процениме ситуацијата и можностите за реципрочни мерки против Украина. Доколку стане неизбежно, ќе го прекинеме снабдувањето со електрична енергија на Украина“, рече Фицо во видеото.
Украина објави дека од 1 јануари ќе го запре протокот на руски гас низ нејзината територија. Словачка тврди дека овој потег нема да влијае на потребите на нејзините потрошувачи поради капацитетот за складирање, додека главниот купувач на гас во земјата, компанијата „СПП“, има договори за купување гас од извори надвор од Русија.
Свет
По авионската несреќа во Казахстан, неколку авиокомпании ги прекинаа летовите кон Русија
Неколку авиокомпании ги прекинаа летовите кон Русија по падот на Азербејџан Ерлајнс Ембраер ЕРЈ-190.
Според „Ерлајв“, по пречките на ГПС-сигналите и ракетата за противвоздушна одбрана, што резултираше со соборување на авионот на Азербејџан Ерлајнс ЕРЈ-190, ЕрЈ-190 во близина на Актау, Казахстан, неколку авиокомпании одлучија да ги запрат рутите до Русија.
Азербејџан ерлајнс ги прекина летовите од Баку до 7 руски градови, меѓу кои и Сочи, Волгоград, Самара, Грозни и Махачкала. Израелскиот „Ел Ал“ го прекина летот Тел Авив-Москва за следната недела, поради „развојот на ситуацијата во рускиот воздушен простор“.
Авиокомпанијата „Флај Дубаи“ ги прекина сите летови од Дубаи до Сочи, додека казахстанска авиокомпанија ги прекина летовите меѓу Астана и Екатеринбург.
Свет
(Видео) Хамас: Израелската армија ја запали последната функционална болница во северниот дел на Газа
Последната функционална болница во северна Газа, Камал Адван во Беит Лахија, „страда од задушувачка опсада“, соопшти денеска Министерството за здравство на Газа откако израелските сили упаднаа во болницата и го отстранија медицинскиот персонал, пациентите и членовите на семејствата, додека воените единици го опколија болница.
„Одделот за операции и хирургија, лабораторијата, одржувањето и одделот за итни случаи се целосно изгорени, а пожарот сега се шири и на други згради“, се вели во соопштението на министерството, а пренесува Ен-би-си Њуз.
🚨Breaking: Dr. Hussam Abu Safiya, Director of Kamal Adwan Hospital: “Now the occupation army is burning all the operating departments in the hospital while we are still here. The Army evacuated the entire medical staff and the displaced people and arrested a number of the… pic.twitter.com/C5r2mBq45T
— Drop Site (@DropSiteNews) December 27, 2024
Наводно се испратени возила на брза помош за да ги пренесат повредените во индонезиска болница, додека евакуацијата од Камал Адван продолжува. „Има пациенти кои се во опасност од смрт во секој момент поради тешките услови“, се додава во соопштението.
На прашањето на Ен-би-си Њуз, израелските одбранбени сили (ИДФ) рекоа дека ја нападнале болницата откако добиле информации за „присуство на терористичка инфраструктура и оперативци кои спроведуваат терористички активности“ во болницата.
Тие додадоа дека „војниците на ИДФ овозможија безбедна евакуација на цивилите, пациентите и медицинскиот персонал пред почетокот на операцијата“ и дека продолжуваат да „вложуваат големи напори за да им овозможат на пациентите да продолжат со лекување во други болници“.
Housam Abo Safia, the director of Kamal Adwan Hospital, has been arrested on allegations of refusing to leave the injured and patients without medical care. pic.twitter.com/EyOyuOy2kP
— Dalloul Ahmad (@DALLOULALNEDER) December 27, 2024
Д-р. Хусам Абу Сафија, директорот на болницата, објави на Инстаграм дека израелската армија ги „пали сите оперативни оддели во болницата“, додека медицинскиот персонал сè уште е присутен внатре. Тој додаде дека се уапсени и некои членови на персоналот.
Набргу потоа, Министерството за здравство излезе со соопштение во кое се вели дека судбината на персоналот и пациентите станала непозната откако „се прекинала комуникацијата со директорот на болницата“.
Нападот и евакуацијата уследија по израелскиот воздушен напад вчера, кој погоди зграда спроти болницата, при што загинаа околу 50 луѓе, меѓу кои пет медицински работници, соопшти Министерството за здравство.
Shorouq Al-Rantisi, a lab technician at Kamal Adwan Hospital, described being forced to evacuate and women subjected to humiliating inspections by Israeli soldiers.
The staff saw soldiers burning archives & destroying departments. Patients were left behind. pic.twitter.com/myThLXKGzC
— Ramy Abdu| رامي عبده (@RamAbdu) December 27, 2024
Д-р. Абу Сафија во посебна изјава рече дека меѓу загинатите се и др. Ахмед Самур, педијатар кој работел во болницата, и Есра, лабораториски техничар што излегла да им донесе храна на нејзиниот татко и брат. Техничарот за одржување Фарес исто така загина додека се обидуваше да спаси други, рече Абу Сафија.
„Ова е уште еден црн ден во серијата злосторства против болницата Камал Адван и нејзиниот персонал“, додаде тој.
ОЈО: За осомничениот во „Адитив“ нема известување од Судот дека е недостапен
Во врска со денешната изјава на министерот за внатрешни работи Панче Тошковски во однос на можноста за определување мерки за...
ОЈО отвори предмет, ќе истражува кој го следел премиерот Мицкоски
Јавниот обвинител на Република Северна Македонија согласно своите законски овластувања веќе има оформен предмет по допрен глас врз основа на...
Мицкоски: Доколку има девијантно однесување од трговците, ќе бидат преземени мерки, повеќето ги враќаат цените
Премиерот Христијан Мицкоски денеска одговарајќи на новинарско прашање, кои се последните сознанија и каква е сега состојбата, после инспекциите за...
Цвета Ристовска од антикорупциската комисија да поднесе оставка – СДСМ обвинува за судир на интереси за дипломата на Христовски
Опозициската СДСМ бара оставка од членката на Државната комисија за спречување на корупцијата (ДКСК), Цвета Ристовска, поради судир на интереси по,...
„Европскиот фронт“ бара оставка од Гаши во врска со статусот на албанскиот јазик: Тој ќе остане срам за нашиот народ и за историјата
„Европскиот фронт“ изразува револт и огорченост поради, како што велат, срамните и неодговорни изјави на претседателот на Собранието, Африм Гаши,...
Дијабетичарите незадоволни: Буџетот не може да ги покрие потребите од инсулин, бараме вклучување во дефинирање на тендерот
Сојузот на здруженијата на лицата со дијабетес на Северна Македонија (СЗДСМ), во името на 23 локални организации на лица со...
Утре протест за чист воздух – повеќе од 3.800 луѓе годишно во Македонија ги губат своите животи
Утре, сабота, почнува протестнинот марш „За чист воздух“, кој од Министерство за животна средина и просторно планирање ќе продолжи преку...
„Вреди“ за рокот од шест месеци за уставните измени: Не ги забораваме обврските, но решението не може да биде еднострано
Со оглед на шпекулациите и различните толкувања околу нашата позиција за рокот од шест месеци за уставните измени како чекор...
Медведев: Директен конфликт меѓу Русија и САД ќе доведе до светска нуклеарна војна
Доколку се случи директен конфликт меѓу Русија и САД, ќе ескалира во светска нуклеарна војна, смета заменик-претседателот на рускиот Совет...
(Видео) Украинците испратија десетици роботи во напад
Бригада на украинската национална гарда објави успешен напад во кој учествувале само роботи – од копнени роботи вооружени со митралези...
Зеленски: На Украина ѝ треба повеќе оружје и силна позиција за дипломатија
Украинскиот претседател Володимир Зеленски денеска изјави дека САД ја зголемуваат испораката на оружје за Киев. „Многу е важно што САД...
Путин: Словачка би можела да биде домаќин на мировни преговори со Украина
Рускиот претседател Владимир Путин изјави дека Русија е отворена за словачкиот предлог да биде домаќин на мировните преговори со Украина...
Хамас: Најмалку 50 загинати во израелските воздушни напади врз Газа
Најмалку 50 лица загинаа во израелски воздушен напад врз зграда во северниот дел на Појасот Газа, соопштија доцна синоќа здравствените...
Почина поранешниот индиски премиер
Поранешниот индиски премиер Манмохан Синг почина на 92-годишна возраст, се вели во соопштението на Институтот за медицински науки во Индија...
Кривична за Перпарим Бајрами и директорот на „Ритрон копи“ поради нови злоупотерби поврзани со „Државна лотарија“
Управата за финансиска полиција поднесе нова кривична пријава против екс директор на Државна лотарија, Перпарим Бајрами поради сомнителни тендери за...
Минчев за злоупотребата на балансерот: Агрон и Фатмир беа регистрирани како македонски имиња, Ангеле и Стојан како албански
Министерот за јавна администрација, Горан Минчев, на денешната собраниска седница за пратенички прашања му порача на пратеникот Блерим Беџети од...
Мицкоски: Безбедносните служби лажно ме претставиле како организатор на параполициска воена формација и ме следеле физички
Премиерот Христијан Мицкоски вели дека според Извештајот на работата на Агенција за национална безбедност, кој е декласифициран за јавноста, тогашните...
Мицкоски: Или сите да работат во недела со двојна или тројна дневница или никој
Премиерот Христијан Мицкоски на денешната собраниска седница за пратенички прашања, одговарајќи на прашање за тоа кој е ставот на Владата...
Собранието ќе одлучува за разрешување на членовите на Судскиот совет, Гаши вели како биле назначени така ќе бидат и разрешени
Негативниот извештај за работата на Судскиот совет значи дека Собранието на некој начин ги отповикува и дека може да почне...
Интерпелациите за Меџити, Тошковски, Стоилковиќ, Исеини и за Даути ќе бидат во јануари, Гаши потсетува дека тие немаат егзекутивна моќ
На почетокот на јануари на дневен ред во Собранието ќе бидат ставени сите досега поднесени интерпелации, најави денес претседателот на...
