Спорт
Челзи ја менува понудата за Торес
Управата на Челзи до Ливерпул ќе испрати променета понуда за купување на Фернандо Торес, откако центарфорот на шпанската репрезентација подолго време се соочува со повреда
Претходната понуда на Челзи за Фернандо Торес изнесуваше 50 милиони евра, но поради повредите на 26-годишниот напаѓач цената е симната на 30 милиони. Уплатата на останатите 20 милиони би зависела од настапите на Торес за лондонскиот клуб.Управата на клубот на рускиот милијардер Роман Абрамович започна преговори со колегите од Ливерпул пред финалниот натпревар на Светското првенство во Јужна Африка, меѓу Шпанија и Холандија, на која Торес се повреди.По лекарските прегледи беше утврдено дека Торес го скинал мускулот на левиот бут, поради што е мора да паузира три седмици. Торес минатата година се оперираше од хернија, двапати го оперираше коленото, а има и проблем со хроничната повреда на тетивата.Поради повредите не играше за Ливерпул, а на СП не постигна ниту еден гол и го загуби местото во тимот.И покрај ваквата состојба, Челзи не се откажува од трансферот, а управата е убедена дека ќе дојде до договор штом фудбалерот се врати од одмор.Британските медиуми наведуваат дека новиот тренер на Ливерпул, Рој Хоџсон има намера да го посети Торес во Шпанија, за да го убеди да остане на Ејнфилд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.