Регион
Србија ќе добие преговори за членство во ЕУ во 2014
Министерот за надворешни работи на Австрија Михаел Шпинделегер изрази надеж за што поскоро ратификување на Договорот за стабилизација и асоцијација со Србија и се надева дека во 2014 година ќе почнат преговорите за членство во ЕУ.
Министерот за надворешни работи на Австрија Михаел Шпинделегер изрази надеж за што поскоро ратификување на Договорот за стабилизација и асоцијација со Србија и се надева дека во 2014 година ќе почнат преговорите за членство во ЕУ.
Тој во интервју за Блиц оцени дека не е реално сите земји од Западен Балкан до 2014 година да бидат членки на ЕУ.
„Целта на мојата посета на Белград беше уште еднаш директно да ја пренесам австриската поддршка за европска интеграција“, истакнува Шпинделегер.
Тој изјавил дека тоа го прави во момент кога меѓу членките на ЕУ не владее единствен ентузијазам за проширувањето на унијата, а посебно нема оптимизам за брзината со која земјите од Западен Балкан би се приклучиле кон Унијата.
„Заедничката иницијатива на Грција и Австрија за приклучување на Западен Балкан кон ЕУ до 2014 година е преземена затоа што „двете земји сметаат дека географски гледано, меѓу нив не треба да постои црна дупка во рамките на унијата и затоа сите земји од овој дел треба што поскоро да станат членки на ЕУ““, подвлече Шпинделегер.
Не сакајќи да прогнозира која балканска земја би можела да биде членка на ЕУ, тој рече дека Австрија сака сите земји, вклучувајќи го и Косово да ги види како дел од ЕУ./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.
Регион
Советот на Европската Унија го усвои планот за раст за Западен Балкан
Советот на Европската Унија денеска даде зелено светло за воспоставување на инструментот за реформи и раст за Западен Балкан.
Ова го претставува финансискиот дел од планот за раст за Западен Балкан, кој на земјите од нашиот регион, вклучително и Србија, им обезбедува шест милијарди евра од буџетот на Европската Унија, две милијарди директна помош и четири заеми.
За да добијат пари, земјите треба да подготват реформски агенди, во кои ќе наведат кои реформи ќе ги спроведат.
Дополнително, предуслови за добивање пари, меѓу другото, се почитување на демократските принципи, слободни и фер избори, медиумски плурализам, независност на судството, владеење на правото.
Дополнителни предуслови имаат и Белград и Приштина, што е видливо поместување во нормализацијата на односите, како и исполнување на обврските што произлегуваат од претходно договорените договори.