Свет
Ограбени пациенти
Лекарите го прекршуваат законот, оти двојно наплатуваат – и од пациентите и од Фондот за здравство, па лекарите треба да бидат доблесни и откако ќе го добијат авансот од државната каса на тие болни на кои незаконски им наплатиле, да им ги вр
НИ ФОНДОТ ЗА ЗДРАВСТВО НИ ЛЕКАРИТЕ НЕ ГИ ВРАЌААТ ПАРИТЕ ЗА БЕСПЛАТЕНИТЕ ПРЕГЛЕДИ
Лекарите го прекршуваат законот, оти двојно наплатуваат – и од пациентите и од Фондот за здравство, па лекарите треба да бидат доблесни и откако ќе го добијат авансот од државната каса на тие болни на кои незаконски им наплатиле, да им ги вр
Фондот за здравство нема шанси да им ги врати парите на пациентите кои платиле за бесплатниот преглед кај матичниот лекар. Иако, според законската регулатива, на осигурениците им е загарантирано лекување кај матичниот лекар без пари, неколку месеци болните плаќаат од 100 денари па нагоре за добиената помош оти лекарите се уште не склучиле концесиски договори со Фондот за дравство. За тоа не добиваат ниту сметка ниту каков било документ со кој би можеле, евентуално, да си ги повратат парите од државната здравствена каса. Дури и да добијат, осигурениците не можат да си ги рефундираат потрошените пари оти, според законот, таа услуга е бесплатна.
Директорот на Фондот Георги Тренкоски е категоричен дека не може да се враќаат пари кои, всушност, леакрот не смее да ги зема. И покрај тоа што тој ги знае ваквите неправилности, кои единствено ги оштетуваат и ги удираат по џебот болните, пред два дена им порача на пациентите да им прогледаат низ прсти на лекарите кои им наплаќаат за дадената услуга оти "ова е премногу болен период и болно се поднесуваат реформите, ние бараме да им се помогне на битните луѓе во општеството – лекарите".
Потврда за тоа дека парите што пациентот ги дал по амбулантите нема да му се вратат даде и министерот за здравство Имер Селмани.
"Ако ова се случува, тогаш лекарите го прекршуваат законот, оти двојно наплатуваат. И од пациентите и од Фондот за здравство. Лекарите треба да бидат доблесни и откако ќе го добијат авансот, треба на тие болни на кои незаконски им наплатиле, да им ги вратат парите. Засега никој од тие лекари не е санкциониран оти нема ниту една пријава од пациент дека му е наплатено кај матичниот лекар. Кога ќе има макар една пријава, инспекторите ќе излезат на терен. Ние не можеме да знаеме што се случува во секоја амбуланта одделно ако за тоа не ни укажат пациентите", потенцира министерот Селмани.
Пациентите, збунети од т.н. реформи, само коментираат.
"Кој од нас за 100-200 денари ќе доаѓа во Фондот и ќе го кодоши својот лекар? Па, ни лекарите не се виновни, мора да преживеат, мора да ни наплатат. Место да ја бараат вината во себе, дека реформите им се за никаде, ним час им се криви пациентите, час лекарите. Вистинското прашање е зошто плаќаме придонес за здравство", коментираат пациентите.
Според Законот за здравственото осигурување, пациент со сини картони не треба да плати кај ниту еден лекар од примарната здравствена заштита, освен за инјекциите, но не и за шприцот, како што е случај сега. Во моментов болните по амбулантите плаќаат над 100 денари за преглед, уште толку за инјекции и за потрошен материјал.
А.Стојановска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.