Најмалку три жртви се регистрирани како последица на големиот студ што ја зафати северна Бугарија, додека во југозападниот дел од земјата снежната виулица блокираше стотици автомобили на патиштата, а илјадници домаќинства останаа без електрична енергија во регионот на Видин.

Пациент почина во амбулантно возило на патот меѓу Влчедрм и Лом, во понеделник, кога бил добиен сигнал за несреќа на возило на брзата помош, кое поради лошите метеоролошки услови не можело да го пробие патот.

Во Врачанскиот регион, на непрочистениот пат поради многу високите снежни наноси меѓу 1,5 и 2 метра, во автомобил бил пронајден 56-годишен маж, а во село во истата област во дворот од куќата во којашто живеел сам било пронајдено телото на 90-годишен маж.

Вонредната состојба во средата уште е на сила во областите Враца и Монтана, соопшти за бугарските медиуми директорот на службата за Противпожарна безбедност и заштита на населението, Николај Николов

Во среда, исто така, не се пријавени жртви или повреден. Николови истакнал дека во седум население места во областа Видин сé уште нема електрична енергија. Додал дека ноќта кон средата 300 припадници на полицијата, со помош на вработени на службите за одржување на патиштата успеале да извлечат 660 автомобили, десет камиони и четири автобуси со вкупно околу 900 луѓе кои биле завеани, од кои некои биле во снежната стапица и до 15 часа. Прецизирал дека во средата биле евакуирани 320 луѓе и извлечени 65о автомобили.

Според националната метеоролошка служба на Бугарија, следните два дена се очекува дополнително влошување на временските прилики, особено во југоисточна Бугарија./крај/мф/сн

Извор: Макфакс