Спорт
Мурињо:Финалето за Барса не е сон, туку опсесија
Португалскиот стратег на клупата на милански Интер тврди дека желбата на Барселона за одбрана на титулата во Лигата на шампионите и станала нездрава опсесија
„Кога во ноември игравме во Барселона (во групи победа на Барселона 2:0), навивачите веќе пееја ’одиме во Мадрид’. Она што сакам да им го порачам на моите фудбалери е да го следат својот сон, но од тоа да не создаваат опсесија, бидејќи за Барселона финалето во Мадрид не е сон, туку опсесија“, коментира Жозе Мурињо, чиј тим по првиот полуфинален меч има предност од 3:1.„Кога зборуваме за сонот, зборуваме за гордоста, а сите мои фудбалери ќе бидат многу горди да дојдат до финалето, било во Мадрид, Москва, Лондон, било каде, но за нив е поинаку, тие ги остварија своите соништа во Рим и Париз, па сега Мадрид за нив е опсесија“, додава Португалецот.Мурињо добро го знае менталитетот на каталонскиот клуб, бидејќи таму работел како преведувач на покојниот Боби Робсон, а му бил помошник на Луи Ван Гал, па добро знае што би значела за Барселона победата во Мадрид.„Бев во финалето (Копа дел Реи – шпанскиот Кралски купот – на Сантијаго Бернабеу) меѓу Бетис и Барселона во 1997 (победа на Барселона од 3:2 по продолжувањата). Бев таму како преведувач и сè добро разбрав. Да се видат каталонските знамиња на Бернабеу и да се слушнат луѓето како викаат „Барса, Барса“, беше голема работа за нив.“„Кај Интер работата е поинаква. Минаа повеќе од 40 години откако Интер беше во финалето на Лигата на шампионите, па така титулата за фудбалерите и навивачите на клубот е сон“.Мурињо за себе тврди дека насловот претходно бил сон, но повеќе не, бидејќи го освоил со Порто во 2004. г.„Не е тоа мој личен сон, бидејќи ја освоив титулата уште претходно иако и натаму сакам да победувам, повторно и повторно. Тоа, пред сè е сонот на Интер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.