Густ смог денеска го зафати Њу Делхи, поради што беа издадени предупредувања за можен сообраќаен метеж на аеродромите, а лошиот квалитет на воздухот ја намали видливоста во некои делови од градот, објави Ројтерс.

Њу Делхи, кој од почетокот на зимата се бори со смогот и лошиот квалитет на воздухот, е на третото место на листата на најзагадени престолнини во светот, покажуваат податоците на швајцарската групација „IQAir“. Портпаролот на аеродромот во тој град изјави дека сè уште нема извештаи за пренасочување или откажување летови.

На социјалните мрежи, најголемата индиска авиокомпанија IndiGo и SpiceJet, исто така, ги предупредија патниците за можни доцнења поради временските услови. Медиумите најавија дека застој ќе има и во железничкиот сообраќај.

Според последниот извештај на индиското тело за контрола на загадувањето, квалитетот на воздухот во Њу Делхи е оценет како „многу лош“, со индекс 351, што е над нивото од нула до 50, што е оценет како „добар“, пренесува Танјуг.

Извршниот директор на Tesla, Илон Маск, најави дека ќе ја разгледа можноста за поднесување тужби против медиумите поради нивното покривање на експлозијата на сајбер камионот што се случи пред хотелот Трамп во Лас Вегас во средата. Конзервативниот активист Роби Старбак сподели напис на Business Insider на X во кој инцидентот е опишан како „експлозија на сајбер камион“.

WATCH: The moment a Tesla Cybertruck exploded this morning in front of Trump International Hotel in Las Vegas pic.twitter.com/loJtRqYabO

— MeidasTouch (@MeidasTouch) January 1, 2025

„Маск треба да размисли да ги тужи медиумите затоа што ја обликувале приказната на овој начин. Овие наслови ја саботираат марката Tesla со тоа што ги тераат луѓето да мислат дека Cybertruck се запалил. Има околу еден пожар во возило на Tesla на секои 130 милиони возени милји. Другите автомобили горат на секои 18 милиони милји“, напиша Старбак.

„Можеби е време да го направиме тоа“, напиша Маск како одговор на сугестијата дека размислува за тужба, пренесува Политико.

Според написите, возач загина, а седум лица се повредени кога возилото – наполнето со канистри со гориво – експлодирало на Нова година. Човекот кој го изнајмил сајбер камионот бил активен припадник на специјалните сили на САД и се застрелал во главата пред експлозијата, потврдија полициски претставници.

Маск, милијардер кој е близок соработник на новоизбраниот американски претседател Доналд Трамп, го критикуваше медиумското покривање на инцидентот и ја бранеше безбедноста на возилото во серија објави на неговата социјална мрежа Х.

„Фактот дека ова беше сајбер камион навистина ја ограничи штетата што се случи во возилото, бидејќи поголемиот дел од експлозијата помина низ возилото и надвор“, рече шерифот на полицијата во Лас Вегас, Кевин Мекмахил за време на прес-конференција оваа недела.

Маск повторно објави видео од конференцијата, пишувајќи: „Злобните идиоти избраа погрешно возило за терористички напад. Сајбер камионот всушност ја запре експлозијата и ја насочи експлозијата нагоре. Ниту стаклените врати од лобито не беа скршени“.

Туристички автобус со руски државјани доживеа сообраќајна несреќа во Патаја, Тајланд. Во несреќата се повредени 27 лица, но меѓу Русите нема загинати, информираше за ТАСС портпаролот на руската амбасада Илја Илин.

(1/2) A tourist bus carrying 42 Russians collided with a Fortuner SUV on Motorway 7 near Pong Toll Plaza in #Chonburi province on Jan 2 evening, resulted in 36 injuries – 32 bus passengers, the 74-yr-old bus driver who was seriously injured, & 3 from SUV. #RoadAccident #thailand pic.twitter.com/CKTwYAADIL

— Khaosod English (@KhaosodEnglish) January 3, 2025

„Одделот на конзуларната служба на амбасадата е запознаен со овој инцидент. Автобусот превезувал руски туристи кои дошле на пат преку туристичкиот оператор Анекс тур. Според прелиминарните податоци, 27 Руси се повредени“, се вели во соопштението.

Како што објасни дипломатот, засега нема информации за жртви. По несреќата на интернет почнаа да се појавуваат видеа од моментот на несреќата.

🚨🇹🇭BUS CRASH IN PATTAYA, THAILAND, INJURES 27 RUSSIAN TOURISTS

A bus carrying Russian tourists crashed into a concrete fence in Pattaya, Thailand.

At least 27 passengers were injured and taken to the hospital.

The Russian embassy has yet to comment on the incident.

Source:… pic.twitter.com/O5rycVwJOT

— Mario Nawfal (@MarioNawfal) January 2, 2025

Врз основа на објавените снимки се гледа дека автобусот со руски туристи изгубил контрола на влезот на патарината и со голема брзина удрил во бетонската преграда на наплатната рампа.