Економија
Кредитите на ЕЦБ ги поддржаа европските акции

Европските акции во средата добија поддршка од големото евтино задолжување на европските банки кај Европската централна банка (ECB), по што се засили оптимизмот дека на инвеститорите дека ќе има повеќе кредити за компаниите.
Европските акции во средата добија поддршка од големото евтино задолжување на европските банки кај Европската централна банка (ECB), по што се засили оптимизмот дека на инвеститорите дека ќе има повеќе кредити за компаниите. Индексот на лондонската берза FTSE 100 ослаби за 0,1 отсто на 5,923 поени, индексот на берзата во Франкфурт DAX 30 зајакна за 0,5 отсто на 6.923 поени, додека индексот на париската берза CAC 40 забележа пораст од 0,6 отсто на 3,475 индексни поени. Операцијата на Европската централна банка ECB за долгорочно рефинансирање е главниот фактор кој од крајот на минатата година го поддржува растот на европските акции. Во средата на втората аукција на евтините тригодишни кредити, дури 800 европски банки повлекоа 529,5 милијарди евра што ги надмина очекувањата на економските аналитичари претходно анкетирани од Reuters.„Пазарите тоа повторно го толкуваат, нагласувајќи го аспектот на ликвидноста. Почетната реакција ќе биде раст на акциите на банките и другите поврзани сектори. Спласнаа стравовите поврзани за адекватноста на капиталот. Гледаме континуиран надолен тренд на периферните европски пазари на обврзници“, вели Џејмс Бакли од компанијата „Baring Asset Management“. Банките од земјите од еврозоната беа најголемите добитници, зајакнувајќи во просек за 1,2 отсто. Така „Commerzbank“ зајакна за 2,5, „Deutsche Bank“ за 1,5 а „Credit Agricole“ за 3,3 отсто.Рударскиот сектор, исто така, доби на вредноста, откако цените на бакарот го достигнаа највисокото ниво во последните две седмици. Во просек овој сектор забележа плус од 0,7 отсто, а најголеми добитници беа концерните „Evraz“ и „Fresnillo“ со раст од 2,5 односно 27 отсто.Добрите податоци за довербата на потрошувачите и вработеноста во САД, најголемата светска економија, исто така помогнаа да се задржи оптимизмот на инвеститорите во врска со можностите на европските акции, иако должничката криза во земјите од еврозоната си го зема својот данок./крај/ро/мфс/н
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
(Видео) Стојаноски: Растот на реалната плата е двојно поголем за една година со ВМРО-ДПМНЕ отколку 7 со СДС, а инфлацијата е 30 отсто помала

„Растот на реалната плата е двојно поголем за една година со ВМРО-ДПМНЕ отколку за 7 со СДСМ, а инфлацијата е 30% помала. Имено во период јули 2024 до јули 2025 растот на реалната плата e 6.7%, додека во период јули 2017 до јули 2024 растот бил само 3.5%“, рече Бојан Стојаноски, пратеник на ВМРО-ДПМНЕ.
„Реалната плата е вистинската куповна моќ на платата, не номинален износ, туку вредностен.
Растот на реалната плата во време на ВМРО-ДПМНЕ покажува неколку работи: Дека инфлацијата е намалена, дека растот на економијата е забрзан, дека потрошувачката е зголемена, дека производството расте и дека довербата во економијата е голема.
Бројките јасно покажуваат дека инфлацијата е стабилизирана и под контрола. Во период јули 2024 до јули 2025 просечната стапка на инфлација е 3.6%, додека во период од јули 2017 до јули 2024 просечната стапка на инфлацијата е 4.8%.
Бројките се многу јасни. Во време на СДСМ добро им одеше само на неколкумина бизнисмени блиски до власта, кои беа главни тендераши. Во време на ВМРО-ДПМНЕ економијата оди напред, има раст и развој кој е сеопфатен и го чувствува секој граѓанин“, изјави Бојан Стојаноски, пратеник на ВМРО-ДПМНЕ.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,28 п.п., при што во јули таа изнесува 2,21%, извести Народната банка.
Просечната каматна стапка на вкупните кредити бележи годишен пад од 0,55 п.п. и изнесува 4,91%.
Најновото соопштение за позначајните движења кај каматните стапки на банките и штедилниците е достапно на следната врска.
Економија
Министерството за енергетика: Нов закон за рударство, транспарентен процес, ќе се прифатат конструктивните предлози

Министерството за енергетика, рударство и минерални суровини (МЕРМС) ја истакнува транспарентноста и вклученоста како основни принципи во подготовката на новиот Закон за рударство. Законот уште во рана фаза беше јавно објавен на платформата ЕНЕР со цел да биде достапен за увид и анализа од сите засегнати страни, а јавната расправа резултираше со исклучително голем одзив.
Јавноста имаше можност во период од 30 дена да го разгледа првичниот текст на Законот за рударство, кој беше јавно објавен на платформата ЕНЕР. Јавниот увид траеше до 28 август 2025 година, а во овој период пристигнаа бројни мислења, предлози и забелешки од компании, институции, стручната и граѓанската јавност, информираат од таму.
„Јавната расправа ни овозможи вредни препораки и забелешки за Нацрт-законот. Паралелно започнуваме со следната фаза од усогласување на законскиот предлог. Ги разгледуваме сите доставени предлози и забелешки и ќе организираме работни средби со оние кои се изјасниле за предлог-текстот. Нашата цел е да добиеме усогласено, јасно и спроведливо законско решение кое ќе обезбеди заштита на животната средина, висока безбедност при работа и предвидлива инвестициска рамка,“ изјави министерката за енергетика, рударство и минерални суровини Сања Божиновска.
Со ова, како што е истакнато, Министерството уште еднаш потврдува дека е отворено за дијалог, соработка и заедничко креирање на законски решенија, со единствена цел – модерна и правична рамка за рударството во Македонија. Во наредниот период, МЕРМС ќе ги разгледа детално сите пристигнати предлози и ќе ги прифати оние кои се во насока на подобрување на законското решение, во интерес на државата и граѓаните.
Министерството, додаваат од оваа иституција, останува цврсто определено во подготовката на законот да се води според највисоките европски стандарди, со цел да обезбеди современа и одржлива рамка за развој на рударството.
„Финалниот закон ќе овозможи: одржлива експлоатација и преработка на минерални суровини според највисоки стандарди, засилена контрола и транспарентност во сите процеси, задолжителни мерки за рекултивација и заштита на локалните заедници, јасна и правично поставена регулатива за сите учесници во секторот.
Министерството нагласува дека инсистира на строга примена на правилата и нулта толеранција за прекршувања, во интерес на безбедноста, заштитата на животната средина и добросостојбата на локалните заедници.