Ова го покажува истражувањето на јавното мислење нарачано од Секретаријатот за европски прашања, изработено од Институтот за политички истражувања – Скопје

Ова истражување е дел од планираните истражувања на јавното мислење во Стратегијата за комуникација со јавноста на Секретаријатот за европски прашања. Истражувањето е спроведено телефонски во периодот меѓу 3 и 4 јули 2010 на репрезентативен примерок од 1/110 испитаници. Првото прашање кое им било поставено на испитаниците било „Ако следната недела се одржи референдум за влез на Република Македонија во ЕУ, како би гласале Вие ? “, за што 834 или 75, отсто испитаници би гласале „за“, додека 112 или 10,1 отсто негативно би се изјасниле на евентуалниот референдум. Со „се’ уште не знам“ одговориле 82 (7,4), со „нема да гласам“ 26 (2,3) и со „не знам“ или немале одговор одговориле 56 или пет отсто од 1.100-те испитаници. Второто прашење од оваа анкета е „Која од следниве е причината за вашиот глас „за”? Испитаници што рекле дека „ за” гласаат поради унапредување на животниот стандард се 414 или 37,3 што според методиката на ова истражување изнесува точен процент од 49,6 отсто. Намалувањето на невработеноста како причина за поддршката на влезот на државата во ЕУ ја преферираат 282 испитаници или 25, 4 отсто што чини точен процент од 33,8. Унапредувањето на демократијата како причина ја навеле 83 лица, или 7,5, односно 10 отсто од оние кои се изјасниле дека ќе го поддржат евентуалниот референдум за влез во. Како други причини навеле 31 испитаник или 3,7 отсто а без одговор за својата поддршка биле 24 испитаници или 2,9 проценти. Од оние, пак, што се изјасниле дека нема да гласаат за референдум за влез на Република Македонија во Европската Унија, како своја причина дека со тоа би се влошил животниот стандард навеле 29 исптаници или со вкупен процент од 2,6 отсто или со 25,9 отсто од оние кои се изјасниле „против“. Дека ќе се загрози македонската економија сметаат 12 евроскептици, 1,1 или 10,7 отсто. Дека ќе се загуби националниот идентитет со влезот во ЕУ, пак, рекле 40 испитаници или вкупно 3,6 проценти од вкупниот број анкетирани или 35,7 од оние кои рекле „против“. Од преголема зависност од Брисел страхуваат само седум анкетирани, што е 0,6 отсто од вкупната бројка или 6,3 проценти од негативно изјаснетите на првото прашање. Други причини имале 11 или 1,2 отсѕо (11,6 отсто) а без одговор биле 13 испитаници или 1,2 отсто (11,6 проценти). Селедното прашање поставено на анкетираните е „Дали сметате дека Македонија е подготвена за членство во ЕУ?“ На него со „да“ одговориле 608 лица или 54,8 отсто, со „не“ одговориле 391 или 35 отсто, а не знаеле или немале одговор 111 испитаник или 10 отсто. Петтото прашање во анкетата за потребите на Секретаријатот за европски прашања било „Од каде најчесто се информирате за процесот на европската интеграција?“ 932 испитаници или 84 отсто одговориле дека информациите ги добиваат од електронските медиуми, 64 или 5,8 отсто од печатените медиуми, од интернет за ероатлантските интегративни процеси се инфомираат 97 или 8,7 отсто од испитаниците, од публикации информации добиваат девет или о,8 а од дрги извори двајца или 0,2 отсто од испитаниците.