Свет
Извлечен и последниот чилеански рудар
И последниот од 33-та чилеански рудари е извлечен на површина
Со помош на капсулата „Феникс” и последниот од блокираните рудари во рудникот Сан Хозе беше извлечен на површината на земјата.Педесет ичетрири-годиѓшниот Луис Урсу беше пречекан со силни аплаузи, под звукот на сирени и беше поздравен од претседателот Себастијан Пинера. Урсу беше началник на смената и остана последен под земја да чека прво да бидат спасени неговите 32-ца другари. „Ве поздравувам, бидејќи како добар капетан, излеговте последен”. Со овие зборови тој беше поздравен од шефот на државата Себастијан Пинера. Урсу вдишува чист воздух 22 часа подоцна од вадењето на правиот рудар од групата, Флоренсио Авалос. Спасувачката операција со капсулата „Феникс” мина без проблеми за сите рудари. При излегувањето на Урсула сите заедно ја пееја националната химна. Сепак, на дното на рудникот останаа уште неколку члена на спасувачкиот тим кои треба да се искачат на површината и операцијата конечно да заврши. Повеќето од спасените рудари, кои поминаа 69 дена под земја, се наоѓаат во добра здравствена состојба. Во болница, на рударите им ги прегледуваат белите дробови. Повеќето се во одлична состојба. Проблеми со здравјето имаат само Марио Сепулведа, кој е болен од силикоза и Марио Гомез, кој според лекарите е доста слаб. „Бев и со Бога и со ѓаволот. Но, знаев дека Бог ќе нè спаси “, рече Сепулведа, опкружен од неговата сопруга и двете деца во неколкуминутниот монолог пред камерата, емитуван на чилеанската државна телевизија. Директорот на Американската вселенска агенција НАСА го поздрави успехот на спасувачките операции. NASA испрати четворица експерти во Чиле. Спасувањето на чилеанскиот рудари, кои поминаа 69 дена 622 метри под земјата, предизвика радост во целиот свет, изјави американскиот претседател Барак Обама. Обама во говор во Белата куќа изјави дека оваа спасувачка операција е нешто што го израдува цел свет. Стејт департментот им честиташе на чилеанската влада и спасувачите за напорите кои ги направија за вадење на рударите.Спасувачката операција ја следеа претседателот на Чиле, Себастијан Пинера, семејствата и роднините на рударите, како и повеќе од 1,5 илјади новинари. Во средата наутро во рудникот дојде боливискиот претседател Ево Моралес, кој има намера лично да го одведе во престолнината Лапаз боливискиот рудар Карлос Мамани.Спасувачката операција која латиноамериканските медиуми го нарекуваат „херојска“ и „историска“, започна во вторникот. Откако беше пробиен тесен тунел до рударите беше со специјалната капсула „Феникс“, со која која беше направен целосен увид на системот. Сепак, почетокот на операцијата беше изменет од првичниот план и отакко спасувачите извршија мала иснтруктажа на рударите, беше извлечен првиот рудар Флоренцио Авалос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас тврди дека негова делегацијата оди во Каиро за да разговара за примирје во Газа
Делегација на исламската милитантна група Хамас денеска ќе замине за Каиро за да ги продолжи разговорите за можен договор за прекин на борбите во Газа, соопшти групата доцна синоќа, пренесе ДПА.
– Додека го нагласуваме позитивниот дух со кој раководството на движењето одговори кога го проучуваше предлогот за прекин на огнот што го доби неодамна, одиме во Каиро во истиот дух за да постигнеме договор, се вели во соопштението на Хамас.
Се додава дека Хамас и „палестинските сили на отпорот се решени да го созреат договорот, на начин што ќе ги исполни барањата на нашиот народ за целосен прекин на агресијата, повлекување на окупациските сили, враќање на раселените, олеснување за нашите луѓе, почеток на реконструкција и комплетирање на сериозен договор за размена“.
Според извор од Хамас, има уште некои точки кои треба да се разговараат и имало потреба од повеќе појаснувања. Откако тие ќе се разјаснат, движењето ќе го објави својот конечен став.
– Но, можам да ви кажам и според изјавата што штотуку ја испрати движењето, одговорот ќе биде позитивен, изјавил изворот од Хамас за ДПА.
Месечното посредување на Египет, Катар и САД меѓу Израел и Хамас допрва треба да резултира со пробив. Во последните денови се интензивира и дипломатскиот притисок за постигнување договор.
Свет
Американски разузнавачи со предупредување: Русија и Кина подготвуваат заедничка инвазија
Американското разузнавање има информации кои укажуваат дека Русија и Кина тесно соработуваат за голем број воени прашања, вклучително и потенцијална инвазија на Тајван.
Такво нешто ја поттикна американската администрација да планира како да спречи такво сценарио, пренесува „Блумберг“.
„Ова е првпат Кина и Русија да соработуваат за прашањето на Тајван. Кина дефинитивно сака да соработува со Русија во оваа насока“, рече шефицата на Националната разузнавачка служба Аврил Хејнс за време на нејзиното сведочење пред Конгресот.
Републиканскиот сенатор Мајк Раунд од Јужна Дакота ја праша Хејнс за такво сценарио за време на сослушувањето на Комитетот за вооружени служби во Сенатот. Тој праша и дали Пентагон планира одговор на таквата можност, бидејќи големи се шансите во случај на конфликт со една земја да биде отворен потенцијален конфликт со една или повеќе од нив. Тоа би влијаело на многу работи.
„Секако дека постои можност да се случи такво нешто. Одговорот на тоа прашање зависи од сценариото што би се развило“, рече Хејнс, додавајќи дека разузнавачките проценки укажуваат дека постои зголемена соработка во партнерството „без забрани“ меѓу Русија и Кина во секој општествен сектор – политички, економски, воени, технолошки“, пренесува медиумот.
Нејзините изјави, според написите ги потврдил и генерал-полковник Џефри Круз и нагласил дека ситуацијата внимателно се следи и дека „тие се подготвени доколку се случи несакано сценарио“.
Медиумот анализира дека треба да се знае дека Русија, Кина и Иран во средината на март одржаа заеднички воени вежби наречени „Поморски безбедносен појас – 2024“ во Оманскиот Залив и Арапското Море.
Свет
Медведев до Швајцарија: Ти благодарам, земјо на сирењето и часовниците
Дмитриј Медведев, поранешен руски претседател и актуелен заменик на Советот за безбедност, рече дека конференцијата за прекин на огнот во Украина ќе биде уште еден доказ за пропаѓањето на „мировниот план“ на украинскиот претседател Володимир Зеленски.
Швајцарската влада претходно објави дека Русија во моментов не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Медведев објави денеска на Телеграм. „Која е користа за Русија од швајцарската „мировна конференција“? Придобивката е трикратна. Прво, тоа ќе биде уште еден доказ за пропаѓањето на таканаречениот мировен план на идиотот Зеленски.
Второ, тоа ќе стане видлив доказ за целосната немоќ на сегашните западни елити, кои извршија болна самокастрација на нивната способност да го прекинат воениот конфликт. Згора на тоа, по директна наредба на група сенилни лекари од Вашингтон.
Трето, тоа ќе им овозможи на нашите вооружени сили да продолжат да ја чистат територијата на Мала Русија од неонацистите без мешање или сметка за нечии глупави „мировни иницијативи“ и сите ние да извршиме скрупулозна работа во насока на конечниот колапс на политичкиот режим на Украина и брзото враќање на нашите оригинални територии во Руската Федерација. Ти благодарам, земјо на сирењето и часовниците“, напиша Медведев.