Македонија
Зголемен број на кривични пријави и поплаки за семејно насилство
Значително зголемен број на извршено кривично дело при семејно насилство во 2011 во споредба со претходната година, евидентираше Министерството за внатрешни работи (МВР).
Значително зголемен број на извршено кривично дело при семејно насилство во 2011 во споредба со претходната година, евидентираше Министерството за внатрешни работи (МВР).Според статистичките показатели што денеска ги објави МВР, лани биле регистрирани 593 случаи на семејно насилство, што е за 23,3 отсто повеќе во споредба со 2010 година, кога биле евидентирани 481 ваков случај.Најголем пораст на семејните насилства е забележан во околината на Струмица 95, во споредба со 58, евидентирани во 2010 година, следат Скопје 120 (95), Битола115 (94), Охрид 43 (37), Штип 51(44), Велес 63 (44) и Тетово-51(48), додека намалување е забележано само на подрачјето на Куманово 55(61). Порастот на кривичните дела се должи најмногу на порастот на делата „телесна повреда„418 во споредба со 310 од претходната година, а зголемување има и кај делата „загрозување на сигурноста“132(124). Во врска со пријавените поплаки за семејно насилство, нивниот број изнесува 4.609, што претставува зголемување за 23 отсто во однос на 2010 година, кога биле евидентирани 3.737 поплаки.И во овој сегмент, најголем пораст од дури 57 отсто има во Струмица, по што следи Тетово, со пораст на поплаките за 55 отсто, а единствено во Велес има негативен тренд на поплаки од -16,5 отсто.Анализирајќи ги статистичките показатели, МВР констатира дека зачестените кампањи влијаеле на подигање на свеста на жртвите на семејно насилство поради што континуирано се зголемува бројот на пријавени кривични дела од оваа област.„Кривичните дела од овој вид се посоодветно се санкционираат, а настаните кои претходните години се третираа како прекршоци против јавниот ред и мир, последниве години се квалификуваат како дела сторени при семејно насилство“, се вели во анализата на МВР.Во најголем дел за извршени кривични дела од областа на семејното насилство биле пријавени мажи, 92 отсто. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.