Македонија
ФЗОМ : 1, 7 милијарди денари повеќе за здравствените установи
Буџетот на Фондот за здравство за 2011 година е зголемен за 1,7 милијарди денари, а најголем дел од овие пари ќе бидат прераспределени за купување на услуги во јавните здравствени установи , информираат денеска од Фондот.
Буџетот на Фондот за здравство за 2011 година е зголемен за 1,7 милијарди денари, а најголем дел од овие пари ќе бидат прераспределени за купување на услуги во јавните здравствени установи , информираат денеска од Фондот.
Со овие дополнителни средства, буџетот на Фондот за 2011 година изнесува 21, 7 милијарди денари.
Со новите договори кои се склучени на 1. април, дополнителни милијарда денари ќе бидат распоредени во јавните здравствени установи, 300 милиони денари за аптеки од примарна листа на лекови, а 400 милиони денари за приватни здравствени установи кои ги покриваат трите нивоа на здравствена заштита.
Како што беше кажано на брифингот, најголеми зголемувања во буџетот ќе има на Клиниките за кардиологија, онкологија , гинекологија како и во сите хируршки јавни установи.
Дополнително ФЗОМ има добиено апликации за склучување договор за Ин витро оплодување од 6 приватни здравствени установи за кои има обезбедно глобален буџет за 2011 година во вкупен износ од потребни 80 милиони денари сoгласно динамиката на добивање на нови барања.
„По истекот на периодот од 2 години кога повеќето брачни двојки кои немаа можност да ја започнат постапката добија законска можност и првично големиот број на интервенции , по проекции на стручните лекари вкупната бројка на новите барања полека се стабилизира на околу 1000 нови барања на годишно ниво“, информираат од Фондот.
За лекување во странство за годинава планирани се средства во износ од 150 милиони денари, што е 30 милиони денари помалку во однос на минатата година. Износот бил намален поради планот за изведување на голем дел од услугите во Македонија.
„Фондот очекува со ова зголемување , болниците комплетно да бидат снабдени со лекови, веќе да нема рефундација. Намалувањеи, а во некои сегменти и искоренување на упатување за лекување во странство, како и повеќе и нови здравствени услуги кои можат да ги добијат осигурениците“, рече портпаролот на Фондот, Бранко Аџигогов./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.