Спорт
Вардар есенски првак, Работнички ја прекина црната низа
Вардар есенскиот дел од првенството во Првата македонска фудбалска лига (ПМФЛ) ќе го заврши на првото место, откако по 17-то коло „црвено-црните“ ја задржаа предноста од пет бода во однос на Металург.
Вардар есенскиот дел од првенството во Првата македонска фудбалска лига (ПМФЛ) ќе го заврши на првото место, откако по 17-то коло „црвено-црните“ ја задржаа предноста од пет бода во однос на Металург. Вардар во оваа рунда одигра нерешено 1:1, во Кратово, против Силекс. Бразилецот Лико им донесе предност на вардарци во првиот дел која на десет минути до крајот на натпреварот ја анулира Јовановиќ. Со ист резултат заврши и дербито во Тетово помеѓу Ренова и Металург. Јанчевски од пенал и донесе предност на Ренова, додека бод за Металург спаси Илијоски во 90-та минута. Металурзите мечот го завршија со играч помалку, бидејќи уште во 11-та минута црвен картон заработи Кралевски.Работнички конечно стави крај на црната серија, од осум последовни порази, „романтичарите“ со 3:1 го победија фенерџијата 11 Октомври. Петковски, Савиќ и Маневски беа стрелци за Работнички, честа на гостите од Прилеп ја спаси Гешовски. Цветановски со гол во финишот на првиот дел му донесе минимална победа на Напредок на мечот со Хоризонт Турново. Победа на домашен терен забележа и Брегалница. Штипјани со головите на Здравков и Стојанов го победија Тетекс. Предпоследната првенствена рунда во ПМФЛ ќе биде комплетирана во понеделник со натпреварот Охрид-Шкендија. Табела:1. Вардар 412. Металург 363. Шкендија (-1) 304. Силекс 265. Брегалница 256. Ренова 217. Охрид (-1) 208. Напредок 209. Работнички 1810. Тетекс 1711. Хоризонт Турново 1512. 11 Октомври 9 . крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.