Скопје
Журнал.мк реши да му го прости долгот на Општина Чаир

Компанијата Журнал одлучи на Општина Чаир да му го опрости долгот за услугите кои таа ги има набавено од новинската агенција Журнал.мк.
После многуте обиди во текот на цела една годна, за наплата на нашите средства, компанијата одлучи да ја амнистира општината и нејзиниот челник Изет Меџити, за долгот кои тие го имаат за услугите за рекламирање и огласување. „Журнал е свесен за тешката финансиска состојба на општините, но дека една општина како Чаир која никогаш не била наведена за финански пробеми, нема да биде во можност да исплати долг стар повеќе од една година, ова едноставно е за неверување. Дури и за сожалување.
Но ете Журнал, и покрај потребата на еден медиум за да преживе (далеку од нормално функционирање), одлучи да биде широкодушна и да отстапи од долгот кој Општина Чаир или е за сожалување и нема средства, или нема волја да го отпише. Затоа, Журнал одлучи средствата кои ги должат Чаир и г-дин Меџити да ги намени за акцијата Чаир без отпадоци“, се наведува во информацијата на компанијата која издава денвен весник и има информативен портал. Оттука го повикуваме јавно г-дин Меџити средстава кои му ги должи на нашата компанија да ги пренамени за почиста средина и за поуредни улици, кои во денови на дожд и невреме се претвораат во реки, се вели во соопштението на компанијата./kрaj/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре посебен режим на сообраќај во Скопје поради одржување улична трка

СВР Скопје ги известува граѓаните дека на в недела со почеток во 08.30 до 10.30 часот поради одржување на улична трка на 10 км, Единицата за безбедност на патниот сообраќај ќе преземе мерки за посебен режим на сообраќајот при што сообраќајот ќе се пренасочува по околните сообраќајници.
Трката ќе започне со стартна позиција на бул.„Илинден“–локација Фонтана, а натпреварувачите ќе се движат по бул.„Илинден“ до крстосница со ул.„Никола Парапунов“, потоа до крстосница со бул.„Партизански Одреди“, десно (во десниот коловоз кон н.Ѓорче Петров) до мост Влајко каде што вртат полукружно и назад по истиот коловоз до крстосницата со ул.„Љубљанска“ каде што вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта на локација-Фонтана на бул.„Илинден“.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници по сообраќајниците каде што ќе се одвива настанот.
Македонија
(Фото) Денот на Европа одбележан во Скопје со едукативно-забавен настан „Европа низ детските очи“

Во Градскиот парк во Скопје, по повод Денот на Европа, Националната агенција за европски образовни програми и мобилност организираше уникатен настан посветен на децата. Под мотото „Европа низ детските очи“, во Македонија се славеше мирот, единството и културната разноликост на начин прилагоден за најмладите.
Програмата вклучи изведба на македонската и европската химна од страна на детскиот хор „Златно славејче“, театарска претстава, танцувачка сесија, настап на аниматори и три засебни тематски зони: цртање европски симболи, квиз за Европа и креативна работилница за сувенири.
Креациите на децата ќе бидат изложени на „Ѕидот на Европа“ во просториите на Националната агенција.
Настанот, кој имаше голема посетеност и позитивен одѕив и од млади и од возрасни, се истакна како најубавата прослава на Денот на Европа во цела Европа. Во Македонија, овој ден се доживува како значаен празник, често со поголема страст отколку во некои земји-членки на ЕУ.
Македонија
Градоначалникот Ѓорѓиевски одржа уште еден приемен ден со граѓаните

Сабота исполнета со работа, средби и непосредна комуникација со граѓаните – вака изгледа денешниот ден на градоначалникот на Општина Кисела Вода, Орце Ѓорѓиевски, извести општината.
„Потврдувајќи дека грижата за народот не познава работно време, уште од раните утрински часови, го отвори својот кабинет за секој што има потреба од институционална поддршка, совет или едноставно пријателски разговор. Повеќе од 80 жители на Кисела Вода остварија директен контакт – преку лична средба или телефонски разговор – со градоначалникот, пренесувајќи конкретни предлози, укажувајќи на проблеми или споделувајќи идеи кои би можеле да се претворат во идни проекти.
Тимот на општината веднаш ги нотираше сите барања, а според природата и итноста на секое од нив, се преземаат мерки“, велат од општината.
„И сабота е ден посветен за мојот народ. Уште од рано наутро сум во мојот кабинет каде што досега остварив дирекни средби и телефонски разговор со повеќе од 80 мои сограѓани, кои имале потреба или оставиле нивни контакт на службите во општината. Мојот тим ги запишува барањата и веднаш уште денес, во зависност од природата на проблемот пристапуваме кон решавање. Она што исклучително ме радува е што некои граѓани немаат никаков проблем, туку им треба само пријателски разговор во кој ќе споделат некоја идеја од која ќе произлезе проект во иднина. Тоа е само уште еден доказ за нашата посветеност. Пријателски разговор, чисто да се видиме и да дадат поддршка за она што е сработено, а и она што допрва доаѓа, најдоброто.Ќе бидам тука во текот на целиот ден, а ако треба ќе продолжиме и утре. Ќе разговарам или остварам лична средба со секој оној кој има потреба – во мојот кабинет или надвор, на пријателско кафе. На проблемите им погледнуваме во очи и директно ќе ги решаваме, мојот народ мора да е задоволен“, изјави градоначалникот Орце Ѓорѓиевски.