Свет
Снимена изјава на заштитен сведок не стигна до адвокатите
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-7285.jpeg)
Снимената изјава на првиот заштитен сведок во Македонија за случајот "Шверц на десет килограми кокаин" не стигнала се уште до бранителите на тројцата обвинети.
СУДЕЊЕ ЗА ШВЕРЦ НА ДЕСЕТ КИЛОГРАМИ КОКАИН
Снимената изјава на првиот заштитен сведок во Македонија за случајот "Шверц на десет килограми кокаин" не стигнала се уште до бранителите на тројцата обвинети. Изјавата на заштитениот сведок, чиј идентитет е таен, е снимена на цеде и таа треба да се гледа на судењето во Основниот суд Скопје 1. Адвокатите на тројцата обвинети за шверцот на дрогата вредна 1.2 милион евра побараа копии од цедето за да се запознаат со изјавата на сведокот, но се уште не ги добиле. Случајот вчера беше одложен поради промена на судскиот совет. Случајот во почетокот му беше доделен на судијата Шазивар Исеини, кој неодамна беше прераспределен на друго работно место. Новиот судски совет побарал време за да се запознае со предметот.
Обвинетите на 18 ноември 2005 година беа спречени да го прошверцуваат со автомобил кокаинот од Грција во Македонија, на граничниот премин Ново Село кај Струмица. Полицијата ги уапси Дејан В. (32), кој го управувал автомобилот, и сопатникот Благоја Н. (27). Во акцијата беше уапсен и сопственикот на возилото, Александар Т., кој дента, со бугарски пасош, пеш ја минал македонско-грчката граница. Во Скопје беше уапсен и грчкиот државјанин Лампрос П. (46), а грчката полиција во Солун го уапси Бирдас В. (45), двајцата осомничени дека се дел од групата што се обиде да го прошверцува кокаинот.
Ова е прв случај во македонското судство да се користи заштитен сведок.
Адвокатите на минатото рочиште изјавија дека во истрагата не им било дозволено да видат дел од доказите и изјавата на заштитениот сведок снимена на цеде.
За да се проследи изјавата на сведокот во судницата во Основниот суд Скопје 1 е поставена опрема за гледање ДВД.
Групата беше откриена во акцијата ви која беа употребени посебни истражни мерки за апсење криминалци во рамките на борбата со организираниот криминал. Тие биле следени, прислушувани и снимани со камери и со опрема за ноќно набљудување, а во акцијата учествувал и таен агент.
Полицијата во автомобил "опел" со скопски регистарски таблички откри десет пакетчиња со кокаин. Пакетите биле обвиткани со селотејп, а во секој од нив имало по околу 1 килограм кокаин. Дрогата била скриена под тапацирот на задното седиште на автомобилот. Обвинетите се обвинети за неовластено производство и пуштање во промет дрога. Сите обвинети се во притвор. Судењето продолжува во март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Агенцијата на СЗО: Талкот во прав е веројатно канцероген
![](https://makfax.com.mk/wp-content/uploads/2024/07/bebeshka-pudra.jpg)
Агенцијата за рак на Светската здравствена организација (СЗО) денеска оцени дека талкот во прав е „веројатно канцероген“ за луѓето, но независен експерт вели дека тоа не треба да се сфати како нешто што служи како дефинитивен доказ.
Одлуката се заснова на „ограничени докази“ дека талкот во прав може да влијае на развојот на рак на јајниците кај жените, „доволно докази“ дека е поврзан со развој на рак кај стаорци и „силни механички докази“ дека постојат знаци на канцерогеност кај луѓето, објави Меѓународната агенција за истражување на ракот на СЗО (IARC) со седиште во Лион.
Талкот е природен минерал кој често се користи за правење бебешка пудра. Повеќето луѓе се изложени на талк во форма на бебешка пудра или козметика, се вели во соопштението на IARC.
Но, најголемата изложеност на талкот има во моментот кога се вади, преработува или се користи за правење други производи, се наведува во соопштението.
Можно е талкот во студиите да бил контаминиран
Треба да се напомене дека талкот е природен минерал кој се состои од магнезиум, силициум, калциум и кислород, а се карактеризира со благ земјен мирис. Не се раствора во вода, алкохоли или масла, што му дава посебни карактеристики и широка примена во козметиката.
Агенцијата во соопштението наведува дека постојат бројни студии кои постојано укажуваат на зголемена стапка на рак на јајниците кај жени кои користат или користеле талк во прав на гениталиите.
Во исто време, публикацијата не ја исклучува можноста дека талкот во некои студии бил контаминиран со азбест, кој е директна причина за рак.
Независен експерт: Ова не е убедлив доказ
Кевин Меконвеј, статистичар од британскиот Отворен универзитет, кој не бил вклучен во истражувањето, предупреди дека во случајот на проценката на IARC, „најочигледното толкување е всушност погрешно“. Тој посочува дека „целта на Агенцијата е да одговори на прашањето дали некоја супстанца има потенцијал да предизвика рак под услови кои не се специфицирани или специфицирани од IARC“.
Со оглед на тоа што спроведените студии беа набљудувачки, поради што не можеа да докажат причинско-последична врска, презентираните податоци не треба да се сфатат како нешто што може да послужи како дефинитивен доказ.
Најавата доаѓа само неколку недели откако американскиот фармацевтски и козметички гигант Џонсон и Џонсон се согласи да плати 700 милиони долари за конечно да ги решат обвинувањата дека ги заведувал клиентите за безбедноста на производите на компанијата базирани на талк.
Компанијата Џонсон и Џонсон не призна злоупотреба, иако го повлече производот од северноамериканскиот пазар во 2020 година.
Според резимето на студијата објавено во 2020 година, а студиите опфатиле 250.000 жени од Соединетите Држави, не била воспоставена статистичка врска помеѓу употребата на талк во прав на гениталиите на жените и ризикот од развој на рак на јајниците.
Ново предупредување од IARC: Акрилонитрилот е хемиско соединение кое е канцерогено за луѓето
Во петокот, IARC го класифицираше хемиското соединение акрилонитрил, кое се користи за производство на полимери, како „канцерогени за луѓето“ – највисокото ниво на предупредување на агенцијата.
Има „доволно докази“ кои го поврзуваат акрилонитрилот со развојот на рак на белите дробови.
Полимерите составени од акрилонитрил се користат за правење разни предмети – од влакна во облеката до теписи, пластика и други производи за широка потрошувачка.
Свет
Две лица се убиени, три ранети – хорор во САД за време на прославата на Денот на незавиноста
![](https://makfax.com.mk/wp-content/uploads/2022/11/amerika-sad.jpg)
Две лица загинаа, а тројца се ранети во напад што се случи за време на прославата на Денот на независноста во Хантингтон Бич, во американската сојузна држава Калифорнија, соопшти денеска локалната полиција.
Полицијата примила повик околу 23:15 часот во четвртокот за фатално пукање во округот Оринџ во Хантингтон Бич, објави USA Today.
Кога пристигнале на местото на инцидентот, полицајците пронашле „неколку жртви со тешки повреди“.
Полициската управа на Хантингтон Бич потврди дека две лица им подлегнале на повредите на местото на настанот и дека три се пренесени во болници со повреди кои не се опасни по живот.
Од полицијата додаваат дека досега е приведено едно лице.
Регион
Силен земјотрес го погоди Крит
![](https://makfax.com.mk/wp-content/uploads/2024/02/krit-830x0.jpg)
Земјотрес со јачина од 4,1 го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот бил на длабочина од 8 километри, додава EMSC.
Епицентарот на земјотресот бил на 64 километри југоисточно од најголемиот град на Крит, Ираклион.
Засега нема информации за евентуална материјална штета.