Свет
На Владата баш и е гајле
Владата, што е сопственик на паднатиот "кингер", не знае кој треба да даде дозвола за увид во остатоците од авионот и допрва ќе ја проверува правната процедура
СКАНДАЛ: АМЕРИКАНСКИТЕ АДВОКАТИ БАРААТ УВИД ВО ОСТАТОЦИТЕ ОД ПРЕТСЕДАТЕЛСКИОТ АВИОН
Владата, што е сопственик на паднатиот "кингер", не знае кој треба да даде дозвола за увид во остатоците од авионот и допрва ќе ја проверува правната процедура
Несреќата на претседателскиот авион кај Мостар е влезена во судска процедура во САД, американските адвокати бараат увид во остатоците на кингерот, а македонските власти се спокојни – дел не знаат за процесот а другите се прогласуваат за ненадлежни.
"Вест" во два наврати, и во петокот и вчера се обрати до Владата, што е сопственик на паднатиот авион, за коментар дали ќе дозволи увид во остатоците на кингерот. Но, прецизен одговор не добивме. Портпаролот Сашо Чолаковски изјави дека досега на Владина седница не било разговарано за таква работа. "Треба да се види кој треба да даде таква дозвола, дали Владата или обвинителството. Ќе треба да се провери правната процедура", ни рече вчера Чолаковски.
Дејвид Л.Фиол, претставник американската адвокатска фирма "Лив Кабрасер, Хајман и Бернштајн" од Сан Франциско, која ги застапува семејствата на загинатите пред американскиот суд, во петокот изјави за "Вест" дека нивните претходни контакти со владините службеници во Македонија останале без одговор за тоа дали ќе им биде дозволен пристап до остатоците од "кингерот".
"Ќе бараме дозвола да ги видиме и евентуално да тестираме делови од остатоците од авионот", најавија американските адвокати.
Раководителот на Службата за општи и заеднички работи на Владата, Горан Минчев нема информации за било каков процес поврзан со несреќата на "кингерот".
"Откако се донесени остатоците на "кингерот" во Македонија, никој од нас не побарал да изврши увид. Не можам да ви посочам до кого треба да се достави барањето, но ако некој го достави до нас, ќе го проследиме до Владата. Владата најверојатно ќе одобри, но не би сакал да прејудицирам, зашто не знам дали е тоа во надлежност на Владата, или можеби на Судот", изјави Минчев.
И Управата за цивилна воздушна пловидба вели дека не е надлежна за натамошната истрага на несреќата.
"До УЦВП нема доставено такво барање ниту пак може да се достави, затоа што за остатоците од ‘кингерот’ е надлежна владината Служба за општи и заеднички работи", тврди воздухопловната власт.
Деловите од претседателскиот авион кои беа најдени по несреќата кај Ротимље, година и половина прележаа во хангар на Мостарскиот аеродром. Дури откако "Вест" ги пренесе изјавите на повеќемина воздухопловни експерти оти тие се неопходни за било која следна истрага за несреќата и по неколкуте потсетувања од сараевските власти дека ќе ги уништи остатоците доколку Македонија не си ги земе, во јули 2005 тие дојдоа во земјава. Тие се сместени во хангар на АРМ на Скопскиот аеродром. Владините претставници тогаш изјавуваа оти остатоците од "кингерот" во секое време ќе бидат достапни во случај да се обнови истрагата за падот на авионот. Сега за нив се заинтересираа американските адвокати од фирмата "Лив Кабрасер, Хајман и Бернштајн", кои го тужат америиканскиот производител на авионот – "Рејтион еркрафт компани".
"Во САД, генерално на сите заинтересирани страни им е дозволен пристап до остатоци од авион за испитување и тестирање откако е завршена официјалната истрага, и тоа или на доброволна основа или со судска одлука. Се надеваме дека истите права се признаени и во Македонија и дека идеално, Владата доброволно ќе им дозволи на страните да ги испитаат и тестираат остатоците на нивно оправдано барање", изјави претставникот на американската адвокатска фирма, Фиол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмоќната серија земјотреси во последните 40 години: Јужна Италија за пет часа регистрираше 150 потреси
Речиси 150 земјотреси, најсилни во последните 40 години, се регистрирани вчера вечерта и утринава на полињата Флегра во близина на Неапол во јужна Италија, кои не предизвикаа големи штети, но посеаа паника меѓу населението, соопштија властите. Земјотрес со јачина од 4,4 степени е регистриран во 20 часот и 10 минути по локално време на длабочина од 2,5 километри, соопшти Националниот институт за геофизика и вулканологија (ИНГВ).
INGV забележа десетици послаби потреси на земјата во следните часови. Вкупно, околу 150 земјотреси ја погодија областа за помалку од пет часа, почнувајќи од 19:50 часот. Според Мауро Ди Вито од INGV „ова е најмоќната серија земјотреси во последните 40 години“.
#Terremoto ai Campi Flegrei, scosse fino a 4.4 di magnitudohttps://t.co/oWTVlBpEUp pic.twitter.com/q22XVHUq7z
— 361magazine (@361_magazine) May 21, 2024
На видеата на жителите објавени на социјалните мрежи, може да се видат шишиња со млеко и пијалоци расфрлани на теренот на продавниците во општината Позуоли во областа на Флегранските полиња, каде живеат околу половина милион луѓе. Земјотресот беше јасно почувствуван и во Неапол, вклучително и пристаништето.
🔴#Terremoto #CampiFlegrei: 150 scosse in poche ore
Quella di #magnitudo 4,4, la più forte degli ultimi 40 anni
Paura anche a #Napoli
Tende a #Pozzuoli e #Bagnoli, notte in auto per molti. Oggi scuole chiuse#earthquake #Naples pic.twitter.com/SX0EJIS7no— Tv2000.it (@TV2000it) May 21, 2024
Училиштата денеска ќе останат затворени во Позуоли, каде што се отворени сместувачките центри и се поставени шатори на паркинг и плоштад покрај морето за да се сместат во паника жителите, објави на Фејсбук градоначалникот на градот, Луиџи Манцони. Од противпожарната бригада велат дека жителите пријавиле пукнатини во куќите и делови кои паднале од фасадите на зградите.
Свет
(Видео) Иранците во поворка: Почна погребот на Ебрахам Раиси
Иранците се собраа на погребната поворка на претседателот, Ебрахим Раиси кој загина во хеликоптерска несреќа, во северозападниот град Табриз, главниот град на провинцијата Источен Азербејџан.
Неговото тело подоцна ќе биде пренесено во Техеран.
Во несреќата загинаа и иранскиот министер за надворешни работи Хосеин Амир Абдолахиан и уште седум други лица.
Иранските медиуми објавија видео на кое се гледаат ковчезите на Реиси и Абдолахиан поставени еден до друг и покриени со ирански знамиња.
اولین تصاویر از تابوت حامل شهید رئیسی و شهید موسوی pic.twitter.com/mXjkFLDMh8
— خبرگزاری ایرنا (@IRNA_1313) May 21, 2024
Свет
Во Полска уапсени девет лица: „Направиле саботажа во име на руски служби“
Полска уапси девет лица во врска со саботажа извршена низ државата по наредба на руските служби, изјави вчера вечерта премиерот Доналд Туск.
Варшава тврди дека нејзината улога како центар за снабдување на Украина ја направи Полска клучна цел за руските разузнавачки служби и ја обвинува Москва дека се обидува да ја дестабилизира земјата.
„Досега уапсивме девет осомничени и обвинети за учество во саботажа во Полска директно во име на руските служби“, изјави Туск за приватната телевизија ТВН24.
„Тоа вклучува тепање, подметнување пожар и обид за палење. Тој рече дека Полска соработува со своите сојузници по ова прашање и дека операциите имале влијание и врз Литванија, Латвија, а можеби и Шведска.
Туск претходно овој месец изјави дека Полска ќе додели дополнителни 100 милиони злоти (23,5 милиони евра) на своите разузнавачки служби поради руската закана. Во април, две лица беа уапсени во Полска под сомнение дека го нападнале Леонид Волков, главен помошник на починатиот руски опозициски лидер Алексеј Навални.