Свет
Кинески хакери влегоа во индиското министерство за одбрана
Организирана група хакери за кои се претпоставува дека имаа седиште во Кина влегла во комјутерскиот систем и продрела до тајните документи со чувствителни податоци за индиската одбрана, објавија во вторник меѓународни стрчњаци за сајбер шпионажа
Експертите откриле инфoрмации за разузнавачка мрежа кој продрела во тајните на индиската влада, потоа во индиските деловни и академнски комpјутерски мрежи, се обајвува во заедничкото известување на стручњаците од две институции, Information Warfare Monitor со седиште во Канада и меѓународната фондација Shadowserver Foundation.Хакерската мрежа ги нападнала и Обединетите нации, како и канцеларијата на тибетантскиот духовен лидер Далај лама, се додава во извештајот. „Многу други институции, вклучително и амбасадите на Пакистан и на САД, исто така биле хакирани“, стои во извештајот во кој се наведува дека може да се потврдат и упади во некои но не и во сите наведени институции.На пример, хакерите отвориле 1.500 писма испратени од канцеларијата на Далај лама од јануари до ноември 2009 г., внимателно одбирајќи ги системите и профилите на корисниците кои ќе ги нападнат.Нападнатите системи биле усмерувани кон „централната команда и контролирани корисници во Кина“, стои во извештајот во кој се потвдрува дека се утврдени врски со двајца големи хакери во градот Ченгду. Портпаролката на кинеското министерство за надворешни работи, Џианг Ју им повторила на новинaрите дека Пекинг им се спротиставува на сите облици на сајбер криминал, што го подразбира и хакирањето.„Овој вид криминал е меѓународно прашање и против него треба заеднички да се бори целата меѓународна заедница,“, изјавила Ју која сепак не отфрлила дека е можно да се инволвирани и кинески хакери. Таа потенцирала дека авторите на извештајот не доставиле до кинеските власти никакви докази, ниту од нив побарале каква и да е заедничка истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.