Свет
Мексико: владата ги отфрли повиците за примирје со нарко-картелите

Мексиканските власти го отфрлија повикот од Државниот обвинител за примирје помеѓу владата и нарко-картелите кои дејствуваат во оваа јужноамериканска држава
Мексиканските власти го отфрлија повикот од Државниот обвинител за примирје помеѓу владата и нарко-картелите кои дејствуваат во оваа јужноамериканска државаПортпаролот на мексиканската Федерална служба за безбедност, Алехандро Поаре отфрли какво и да е примирје со групите кои шверцуваат дрога и истакна дека тие мора да бидат уапсени и целосно растурени.„јасно е дека мирот нема да се постигне на тој начин што ќе ги замолиме криминалците да си го сменат однесувањето. Мирот ќе биде постигнат со тоа што криминалците ќе бидат изведени пред правдата, со тоа што нема да им се остави друг избор, освен да му се потчинат на законот и да прекинат со злосторствата“, додава Поаре.Изјавата на портпаролот следи откако Алберто Лопез Росас, Главниот обвинител на јужната мексиканска држава Гуереро ги повика нарко-картелите да прифатат некаков вид на примирје и „да го почитуваат животот во градовите, животот на населението, животот на општеството“.Насилните пресметки помеѓу мексиканските нарко-картели ги зедоа животите на преку 40.000 Мексиканци од декември 2006 година наваму. Според наодите на мексиканската влада, најкрвава била 2010 година, со 15.273 убиства поврзани со дрогата. /крај/presstv/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.