Спорт
Ванкувер резултати од третиот ден
Крос Кантри Скијање, 10 километри слободен стил (жени): Шарлот Кала го освои златниот медал со време од 24.58.4, пред Кристина Смугин Ваехи од Естонија, а Марит Бјоерген од Норвешка го освои бронзениот медал.
Крос Кантри Скијање, 10 километри слободен стил (жени): Шарлот Кала го освои златниот медал со време од 24.58.4, пред Кристина Смугин Ваехи од Естонија, а Марит Бјоерген од Норвешка го освои бронзениот медал.
Алпско скијање- спуст (мажи): Дидие Дефаго од Швајцарија го освои златниот медал со време од 1.54.31 пред Аксел Лунд Свиндал од Норвешка и фаворитот Боде Милер од САД кој ја извози трката со заостанување од девет стотинки зад Дефаго.
Крос кантри скијање, 15 километри слободен стил (мажи): Дарио Кологна од Швајцарија го освои златото со време од 33. 46.30 додека пак среброто го освои Пјетро Котрер Пилер од Италија а бронзата Лукас Бауер од Чешка.
Хокеј на мраз група А (жени): Швајцарија- Канада 1:10 (Дарсија Леимгрубер/ Кетрин Вард, Мари Филип Полин, Ребека Џонстон, Хејли Викенхестер, Џилијан Епс, Сара Вајланкурт, Чери Пајпер, Меган Агоста2, Џејна Хефорд).
Сноуборд крос (мажи): Сет Вескот од САД го освои златниот медал, пред Мајк Робертсон од Канада и Тони Рамоин од Франција кој го освои бронзениот медал.
Уметничко лизгање, слободен стил (парови): Хуе Шен и Хонг Бо Зао од Кина го освоија златниот медал пред Ји Ан Тонг и Кинг Панг исто така од Кина, додека пак бронзата ја освои германскиот пар Робин Золковиј и Алиона Савченко.
Брзо лизгање на 500 метри (мажи): Златото го освои Мо Тае Бум од Јужна Кореја со време од 69 секунди и 82 стотинки во двете трки, пред Кеичиро Нагашима од Јапонија кој го освои среброто и Јоџи Като исто така од Јапонија кој освои бронза.
Хокеј на мраз група А (жени): Шведска- Словачка 6:2 (Елин Хомлов, Џени Аселхорт, Пернила Винберг 4/ Ана Џурнакова, Никол Купкова)./крај/ванк/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.