Организаторите на вчерашниот студентски протест се оградија од секаква партиска поврзаност на студентскиот протес

Организаторите на протестот “Слободен индекс“, велат дека тие ги бараат правата на студентите и единствено од нив очекуваат поддршка, а не од политичките партии. За тие што наводно вчера носеле партиски знамиоња велат дека не знаат кои се и дека дури не ги ни виделе, туку дека некој од учесниците ги замолиле да ги трганат знамињата.“Во однос на партиските знамиња сакаме да се оградиме од сите партии, ние не сме против никоја гарнитура на власт, ние сме против системот преку кој се управува со нашите пари, со студентските пари. Затоа бараме поддршка само од студентите“, вели Реџеп Исмаил, еден од организаторите на протестот.За тоа што ректорот на Универзитетот, Велимир Стојковски, вчера ги критикуваше дека не знаел за протестот и дека со него требало најпрво да разговараат организаторите велат дека сметале оти е подобро прво јавно да го изразат своето незадоволство, а потоа да се обратат до надлежните институции.“Ректорот беше свесен за нашите барања бидејќи ги коментираше три дена пред да започне протестот, а она цела ситуација од која ние сме незадоволни не е производ на една ректорска управа, на еден ректор, на еден министер, на една влада, на една партија тутку на 18 години тонење на високо образовниот систем“, вели Андреј Анчевски од организацијата на “Слободен индекс“.За летово најавена е средба со министерот за образование, а ќе се обидат да разговараат и со со ректорот, со ректоратот, со Студентскиот парламент. “Ова лето ќе го поминеме во барање на соодветните правни легислативи, Статути и во изработката на некои конкретни решенија“, вели Анчевски.Со вчерашниот протест студентите сакаа да ја одбележат 60 годишнината од постоењето на Универзитетот „Св. Кирил и Методиј“, како и да биде на крај на семестарот, за сите промени да можат да се воведат од следниот семестар, на есен.Студентите, со протестот го изразија незадоволството од функционирањето од целиот високообразовен систем, укинување на партиципацијата, односно бесплатно високо образование, подобрување на квалитетот на образованието, односнона правилната имплементација на Болоњската конвенција,подобрување на очајниот студентски, социјален стандард, условите во студентските домови, непостоењето на студентските медиуми, студентско здравствено осигурување. Тие бараат и да се распише Статут и Правилник на официјална студенстска институција, Студентскиот парламент, кој повеќе од една година работи без статут и без правилник за работа.