Регион
Во Бугарија референдум за нуклеарката Белене
Во Бугарија во недела се спроведува референдум за изградбата на нуклеарната централа Белене, проект од кој се откажа актуелната влада на партијата ГЕРБ на премиерот Бојко Борисов.
Нуклеарната електрична централа требаше да ја гради руската компанија „Атомстројескпорт“ со која договорот во 2008 година го потпиша тогашната социјалистичка влада. Актуелната влада на премиерот Бојко Борусов се откажа од проектот откако градењето веќе беше започнато, тврдејќи дека станува збор за прескап проект.
Изградбата на втората нуклеарна електрана е во застој поради несогласувањата помеѓу Бугарија и Русија, чија фирма „Атомстројекспорт“ требаше да ја гради нуклеарката со капацитет од 2.000 мегавати, Недоразбирањата настанаа поради конечната цена на проектот, која требаше да изнесува помеѓу шест и 11 милијарди евра.
Со цел да пронајде нов инвеститор, бугарскиот премиер Бојко Борисов го раскина договорот со руската фирма, која за надокнада на штета се обрати до Меѓународниот суд за арбитража во Париз и побара обештетување од 1,3 милијарди евра.
Градењето на нуклеарката го поддржуваат опозициските социјалисти и десницата, тврдејќи дека со тоа ќе се создадат нови работни места, поевтина електрична енергија и ќе придонесе за бугарската енергетска независност.
Станува збор за прв референдум во историјата на посткомунистичка Бугарија. Неопходен одѕив на гласачите од 60 плус еден избирач за да биде валиден, а според анкетите таква излезност не се очекува.
Овој референдум, исто така, се смета и за теста за политичките партии пред парламентарните избори коишто ќе се одржат во јули годинава./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во регионот на Параќин
Републичкиот сеизмолошки завод денеска регистрираше земјотрес со јачина од 3,6 степени според Рихтеровата скала во регионот на Параќин.
Според веб-страницата на Сеизмолошкиот завод, земјотресот е регистриран во 15:38 часот.
„Теоретскиот интензитет во епицентарот беше проценет на ниво V од Меркалиевата скала. Земјотреси со ваков интензитет може да предизвикаат многу мали оштетувања на објекти во епицентралното подрачје“, наведуваат од Републичкиот сеизмолошки завод.
Медиумите објавија дека потресите се почувствувале во Крушевац, Крагуевац и Сврљиг.
Регион
Џенан од БиХ загубил девет членови на семејството во поплавите: „Дури сега гледате колку сте биле среќни“
Џенан Имамовиќ од Јабланица загубил девет члена од семејството, брат, сестра, нивните сопружници и деца во поплавите.
„Сестра, зет, син и снаа, брат и неговата сопруга, син, ќерка и зет. Единствена светла точка што ја имаме е малиот Еди, синот на Еди, кој преживеа, по Божја волја го нашол соседот“, раскажува потресениот Имамовиќ за N1 БиХ.
Во урнатините го видел телото на својата сестра. Моментално се спасува, а потрагата по неговиот братучед се уште трае. Неговата куќа не е оштетена во катастрофата.
“Дрвјата некако го ублажија ударот. Татко ми користеше камен за да ја изгради куќата во 1960-тите. Куќата на брат ми беше исто толку добро изградена, сега ја нема, како никогаш да не била таму. Дури сега гледате колку сте среќни “, вели Имамовиќ за N1.
Вели дека му е тешко што нема никој. Соседите ги нема. Но и покрај се, тој планира да остане во Јабланица.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поле и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата „Фена“.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментот е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и на телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 3.43 часот евакуирани се 330 лица.