Македонија
Поддршка со запечатени усти

Учесниците на мирниот протест на плоштадот Македонија против изградба на објекти во центарот на Скопје, најавија дека утре ќе ги поддржат обвинетите на судењето пред судот за прекршоци
Утре започнува судењето на учесниците на мирниот протест од плоштадот Македонија од 28 март годинава, што се претвори во насилни тепачки. Како што соопштија учесниците, покрај тројцата организатори на протестот, нови девет учесници овојпат се обвинети за “викање и карање” на протест. Затоа тие не сакаат повеќе да дебатираат околу, според нив, очигледните факти, дека биле нападнати и дека наместо жртви сега се виновни за инцидентот. Тие прашуваат како може некој да е обвинет за викање на протест, кога протест на друг начин не се ни води.
„Да, ние викавме, и за тоа не планираме да се правдаме. Тоа е и смислата на еден протест и колку што ни е познато досега во Македонија не се одржал ниту еден протест без таков ’прекршок’“, се вели во соопштението од организаторите на протестот.Тие најавија дека утре пред судот за прекршоци ќе ги поддржат нивните пријатели со запечатени усти за да не го нарушуваат јавниот ред и мир.
„Ниеден од нас нема да даде изјава за медиумите затоа што се плашиме дека и тоа може да го толкуваат како нарушување на јавниот ред и мир. Затоа, ве покануваме да испратите само камермани и фотографи од вашите редакции, бидејќи за репортерите ќе нема работа“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.