Свет
Симболично се распнаа повеќе од 30 Филипинци
Повеќе од 30 Филипинци беа распнати на дрвени крстови во спомен на патењето и смртта на Исус Христос, а многу од нив доброволно беа сечени со стакло или жилети, според традицијата на Велики петок во северот на Филипините.
Повеќе од 30 Филипинци беа распнати на дрвени крстови во спомен на патењето и смртта на Исус Христос, а многу од нив доброволно беа сечени со стакло или жилети, според традицијата на Велики петок во северот на Филипините.Во селата околу градот Сан Фернандо во покраината Пампанга, 75 километри северно од Манила, беа распнати 28 луѓе кои беа следени од илјадници локални верници и туристи, соопшти локалната туристичка заедница.Во покраината Булацан северно од Манила, двајца мажи и една 19 годишна девојка исто така биле распнати, велат локалните власти.Пред самото распетие, десетици мажи се покајувале за своите гревови одејќи боси по улиците додека другите учесници во церемонијата ги мавале со бамбусови шипки или ги сечеле со жилети и стакла по голите грбови.Некои од покајаниците носеле дрвени крстови или лежеле на топли плочници додека другите ги мавале со шипките, а сцените се повторувале повеќе пати. Римокатоличката црква не ги прифаќа ваквите крвави ритуали, но не превзема поголеми напори за верниците да ги одврати од истите. Странците знаеја да им се придружат на верниците од Сан Фернандо, но тоа е забрането од 1997. година кога локалните власти дознале дека еден Јапонец, кој година дена претходно се распнал на крст, всушност бил глумец и истата сцена била снимена и искористена во јапонски порно филм. Минатата година еден Австралиец излажал дека е католички студент кој сака да биде распнат поради неговата мајка која е заболена од рак, но локалните жители биле разбеснети кога дознале дека тој всушност е австралискиот актер, Џон Сафран, и дека неговата сцена на распетието е снимена за телевизиска комедија. /крај/хи/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.