Македонија
Кривични пријави за скопјаните што нападнаа полицајка
Кривична пријава поднесена е денеска против двајцата скопјани, кои вчера попладнето физички нападнаа возач на автобус и полицајка, која се обидела да ги спречи во намерата.
Кривична пријава поднесена е денеска против двајцата скопјани, кои вчера попладнето физички нападнаа возач на автобус и полицајка, која се обидела да ги спречи во намерата.
Како што е соопштено денеска, СВР Скопје поднесе кривична пријава против Б.П.(28) и В.П.(27) поради основано сомнение дека вчера на улицата „11ти Октомври“ физички го нападнале Д.И.(45) вработен возач на автобус по линија број 16.
Притоа тие ја загрозиле сигурноста и предизвикале чувство на страв на патниците во автобусот, со што сториле казнено дело „Насилство“.
Додека траело насилничкото однесување, лицата биле забележани од страна на униформираното полициско лице Ш.Р.(27), која веднаш се упатила кон нив и превземала службени дејствија со цел да ги спречи во насилничкото однесување, но била нападната и удирана од двајцата осомничени.
По кратко време на лице место пристигнале полициски службеници од единицата – „Алфа“ и ги привеле осомничените. Веднаш по настанот на полицајката во Градската болница- Скопје укажана и е лекарска помош каде што и се констатирани телесни повреди.
Инцидентот се случил откако Д.И. одбил да им отвори врата од автобусот на осомничените, бидејќи автобусот не се наоѓал на постојка. Набргу двајцата преку прозор го зграпчиле возачот и почнале да го плукаат и удираат.
Двајцата напаѓачи одамна и се познати на полицијата и имаат дебело досие за извршени кражби. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.
Македонија
Апасиев: Ги чека пекол во Собранието, имаме шест се бориме за седум пратеници
Вечерва славиме пасокизација на СДС и факторизација на Левица, изјави првиот човек на политичката партија Левица, Димитар Апасиев.
„Во првата изборна единица имаме двајца пратеници – Апасиев и Хактан, во двојка еден фиксен, нашиот портпарол, Амар Мециновиќ, во тројка еден фиксен, се бориме за втор за ситно за 300 гласа да влезе покрај Борислав Крмов и Александар Симонов и така цел пресидум да бидеме во парламент, во четврка влегува Сашко Јанчев и во петка Јована Мојсовска – првата жена пратеник на Левица“, рече Апасиев.
Како што додаде нивната заложба успеала – кутната е црвената буржоазија на под 20 пратеници.
Друга значајна победа, како што рече Апасиев, преполовен е проектот ЗНАМ на половина од претседателските избори.
„Ова покажува дека овој изборен систем повторно не’ краде, затоа што некаде го водиме за 4.000 гласа, а имаме ист број на пратеници. Тоа ќе биде првото барање на Левица, воведување на една изборна единица“, рече Апасиев.
Се заблагодари на сите активисти кои не потклекнале на малодушноста и најави дека ќе продожат пет пати посилно од сега, оти, како што рече Апасиев, секој пратеник вреди колку 10 нивни.
„Да знаат дека ги чека пекол во собранието со нашите борбени пратеници“, рече Апасиев.
Според бројот на мандати, објавени на страната на ДИК, Левица добива шест пратеници во Собранието.