Македонија
Јавна или затворена седница – спореа членовите на Анкетната Комисија

Членовите на Анкетната Комисија, која треба да го расветли првојулскиот собраниски инцидент, пред продолжението на денешната седница, со меѓусебни препукувања за тоа дали седницата треба да биде отворена или затворена за јавноста
Според членовите на комисијата од ВМРО-ДПМНЕ, на седницата на која треба да се испитуваат службеници на МВР, кои се дел од собраниското обезбедување, би можело да бидат изнесени тајни информации кои не би требало да се пласираат во јавноста и поради тоа побараа седницата да биде затворена.Опозицијата со став дека документите со кои работи комисијата се од јавен карактер, кои можат да се најдат во Службен весник и поради тоа сметаат дека седницата треба да биде од отворен карактер.Илија Димовски од ВМРО-ДПМНЕ, член на комисијата, рече дека седницата може да отворена, но во оној момент кога ќе се изнесуваат класифицирани информации, истата да биде затворена. Претседателот на комисијата, Хајрула Мисини рече дека по барање на Министерството за внатрешни работи седницата на комисијата треба да биде затворена.Спорно за членовите беше преписката меѓу МВР и Собранието, односно службената белешка од министерот Гордана Јанкуловска, која според Димовски, опозицијата ја добила преку наводен таен канал, додека пратениците од владејачкото мнозинство не ја добиле истата.Соња Мираковска од НСДП, член на комисијата, го негираше тврдењето на Димовски и рече дека министерката документот го доставила до сите пратеници заедно со видео-материјалите и фотографиите од инцидентот. Според Мираковска причината поради која што службените белешки не се стигнати до пратениците од владејачкото мнозинство е можеби, како што рече, недовербата во своите сопартијци.Се очекува седницата да продолжи во текот на денешниот ден, но истата ќе биде затворена за јавноста.Анкетната Комисија има рок до 26-ти септември да го расветли собранискиот инцидент, но како што информираше претседателот Мисини, најверојатно ќе биде потребно продолжување на рокот, за кое одлука треба да донесе Собранието
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Демократски сојуз: Езерото Треска е на скопјани

Демократскиот сојуз бара Советот на Град Скопје и градоначалникот на Скопје да ги преземат сите законски мерки за да спречат Езерото Треска да се одземе од граѓаните на Скопје. Од партијата велат дека езерото е градено со самопридонес на граѓаните на Скопје и никој друг нема право да располага со него.
„Воедно ја повикуваме и Владата да ги активира државните институции за да спречат уништување на езерото и претворање на истото во градилиште и профит на урбаната мафија. Независно какви сè постапки се спроведени, граѓаните на Скопје на референдум одлучија да се гради, за тоа платија и никој друг на смее локацијата да ја пренамени и да ги лиши граѓаните од рекреативен центар толку потребен на сите“, соопшти ДС.
Македонија
Нови интерактивни табли во битолските основни и средни училишта

Во текот на вчерашниот и денешниот ден, во дел од основните и средните училишта во општина Битола комплетно беа поставени нови 10 интерактивни табли, за осовременување на наставниот процес.
Со средства од Општина Битола во вредност од над 630.000 денари ,интерактивни табли заедно со проектори, добија основните училишта „Александар Турунџев“, „Елпида Караманди“, „Крсте Петков Мисирков“, „Стив Наумов“, „Трифун Пановски“ и „Кирил и Методиј“, како и средните општински училишта „Ѓорѓи Наумов“, „Д-р Јован Калаузи“ и „Јане Сандански“.
Со овие интерактивни табли значително се подобруваат условите за квалитетна настава, се унапредува квалитетот, практичноста и видеокомуникацијата.
Македонија
Фити: Реформите не смеат да се одложуваат

Реформата на основното образование треба да почне со радикално преиспитување на наставните содржини по одделни предмети и од нив треба да се исфрли сè што е несуштинско и да се фокусираат на битните, трајните работи, рече академик Таки Фити по денешната дебата на членовите на Одделението за општествени науки на МАНУ и на Центарот за стратегиски истражувања на МАНУ со претставници на МОН, Бирото за развој на образованието и на работната група што ја изготви концепцијата за основно образование.
„Не можеме да ги отфрлиме фактите. Учениците мора да знаат факти, бидејќи науката се гради со факти, но тоа не е куп на факти, туку факти коишто се меѓу себе поврзани, причинско-последичните врски, критичко размислување во логична и конзистентна целина. Без тоа не можеме. Поврзување на работите, односно имплементирање на она што во тие национални стандарди, како што ги вика стратегијата, е означено како претприемништво. Но, не претприeмништвото како предмет, претприемништвото како филозофија на размислување и на однесување. Гледање на можности, откривање можности, искористување можности. Од најмали нозе тоа треба да се прави“, рече академик Фити.
Фити посочи дека сите се согласиле дека реформите во основното образование се императив.
„Реформите не смеат да се одложуваат затоа што многу лошо стоиме и во поглед на длабочината на знаењата и во поглед на опсегот, значи и во поглед на квантитетот и квалитетот на знаења на нашите основци, споредени со оние на нивните врсници во високоразвиените земји, членки на ОЕЦД, и тука постојат факти, постојат меѓународни мерења коишто тоа апсолутно го потврдуваат и тој јаз има тенденција да се проширува. Затоа со реформи треба веднаш да се почне“, посочи академик Фити.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот