Свет
Гадафи преместува тела на жртви за да го обвини Западот
Американските разузнавачки извештаи покажуваат дека силите на Гадафи преместуваат тела на луѓе кои ги убиле, на местата од нападите на коалициските сили за да можат да го обвинат Западот за нивната смрт, изјави американскиот секретар за одбрана Роберт Гејтс
Либиските власти од друга страна тврдат дека доста цивили настрадале во воздушните напади на коалициските сили. Меѓународната коалиција вчера изведе интензивни воздушни напади против силите лојални на либискиот водач Моамер eл-Гадафи на 400 километри долгата траса меѓу Аџдабија и Сирт, изјави синоќа, доцнаa навечер портпаролот на режимот на Гадафи, Муса Ибрахим додавајќи дека во нападите загинале многу војници и цивили.„Вечерва продолжија нападите на нашата земја со полн интензитет. Изгубивме многу животи, војници, цивили“ рече ИбрахимНападот траел, според неговите зборови, со часови. „Се проценува дека се убиени бројни цивили вклучувајќи семејства кои бегале пред воздушните напади“ додаде тој.Нарекувајќи ги овие напади неморални и незаконити, портпаролот повика на моментално запирање на воздушните напади како и на свикување на итна седница на Советот за безбедност на ОН.Либиските бунтовници вчера со поддршка на сојузничките сили во потполност го освоија стратешкиот град Аџдабија којшто минатата недела го зазедоа владините сили.Коалициските сили изведоа воздушни напади и на градовите Сирта и Себа на југот на земјата, соопшти либиската државна телевизија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку две лица загинаа, а голем број се повредени во торнадото во Тексас и Оклахома
Најмалку две лица загинаа, а голем број се повредени во торнадото што ги погоди американските сојузни држави Тексас и Оклахома.
Торнадото предизвика штети на автопатот што ги поврзува двете држави, како и на домови и далноводи во бројни градови во Тексас, Оклахома и Арканзас, оставајќи 250.000 домаќинства без струја.
„Торнадо го погоди округот Дентон во саботата вечерта, а нема извештаи за повредени“, соопштија локалните власти.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.