Македонија
ВМРО-ДПМНЕ: Папандреу зборуваше само за смена на идентитетот
Грчкиот премиер Јоргос Папандреу на средбата со премиерот Никола Груевски говорел најмногу за промена на македонскиот идентитет, тврдат од ВМРО-ДПМНЕ откако евроамбасадорт Ерван Фуере за албанскиот неделник Арена излезе со став дека преговорите со јужниот сосед се исклучиво за името на државата
„При завчерашната средба помеѓу премиерите на Македонија и Грција, Груевски на самиот почеток на средбата потенцирал дека ниту има мандат ниту може да разговара за прашањата поврзани со идентитетот на нацијата, додека Папандреу скоро во 2/3 од времетраењето на средбата ја објаснувал важноста за Република Грција на прашањето за промена на идентитетот, за промена на името на нацијата и името на јазикот на Македонците во Република Македонија“, се вели во соопштението од ВМРО-ДПМНЕ во врска со изјавите на Фуере.Владејачката партија преку писменото соопштение реагира и на денешната дебата на СДСМ посветена на спорот со името објаснувајќи дека Груевски во преговорите ни директни средби со грчката страна во врска со наметнатиот спор за името воопшто не се води од лични интереси и заштита на неговиот рејтинг.„Сакаме да потенцираме дека кога станува збор за прашања од државен и национален интерес, за Груевски и за ВМРО-ДПМНЕ воопшто не се значајни ниту личниот, ниту партискиот рејтинг. Единствено значајни се остварувањето на македонските државни и национални интереси“, пишува во соопштението.Од ВМРО-ДПМНЕ истакнуваат дека рејтингот на партијата и партискиот шеф би пораснал доколку Република Македонија стане полноправна членка во Европската Унија и НАТО.„Но, во секој случај, како одговорна политичка структра, мора да внимаваме и на другите аспекти“, велат од владејачката партија.Оттаму ги демантираат и наводите од некои медиуми дека денешната промоција на бесплатното бањско лекување на пензионерите од страна на Груевски е всушност предизборна кампања за предвремени избори.„Груевски и ВМРО-ДПМНЕ не планираат никакви избори. Напротив, активностите кои се преземаат ги правиме за доброто на граѓаните, а не заради каква било предизборна кампања. Се надеваме дека после повеќе од три години СДСМ научи дека ВМРО-ДПМНЕ не чека избори за да им помага на граѓаните на Република Македонија. Тоа е нашиот стил на работа“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..