Спорт
Квалификации за ЕП:Македонија против Велика Британија
Македонската кошаркарска репрезентација денес ќе биде на првиот поголем испит во квалификациите за ЕП 2011 во Литванија. Во 16 часот во Њукасл ќе започне мечот против Велика Британија.
Македонската кошаркарска репрезентација денес ќе биде на првиот поголем испит во квалификациите за ЕП 2011 во Литванија. Во 16 часот во Њукасл ќе започне мечот против Велика Британија. Противникот досега одигра еден меч и победи на гости со Унгарија во меч во кој првата ѕвезда на Британците Луол Денг постигна 32 кошеви. Денг (208 см) крилен центар на Чикаго Булс ќе биде најголемата грижа за Марин Докузовски. Нашиот селектор има две опции. Да смисли одбрана против овој вонсериски играч со удвојување, но и со ризик да предвреме да го напуштат теренот со по пет лични играчи како Гечевски и Антиќ, или да го остави Денг да си ја исполни нормата, а вниманието да го сврти кон останатите играчи, бидејки Денг осамен не може да избори победа за домаќинот. Во нашиот тим најверојатно ќе дебитира Лестер Бо Мекејлеб, кој што минатата сезона во дресот на Партизан беше избран за најкорисен играч на евролигата.крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…